Ana Səhifə» 2010»Oktyabr»23 » "Neftçi" fanatlarından növbəti vəhşilik...
20:29
"Neftçi" fanatlarından növbəti vəhşilik...
"Neftçi" - "Gəncə" oyununda dava düşdü.
"Neftçi" - "Gəncə" oyununda azarkeşlər
meydanda derbiyə yaraşan oyun izləsə də, tribunada yaşananlar yenə utanc verdi.
Azərbaycanın iki köklü klubunun dörd illik fasilədən sonra ilk dəfə
qarşı-qarşıya gəldiyi qarşılaşma fanatlar arasında qalmaqala səbəb oldu.
Əslində matçın startından başlayaraq, "Flaqman"
fan-klubunun bəzi üzvləri rəqib azarkeşlərə replikalar atır, "Gəncə"
klubunun əleyhinə təhqiramiz ifadələr işlərdirdi ki, bu da gərginliyin
artmasına səbəb olurdu. Hadisələr pik nöqtəyə matçın sonunda çatdı.
"Neftçi"nin 6:2 hesablı qələbəsi rəsmiləşəndən sonra stadionun kənarında
"Neftçi" və "Gəncə" azarkeşləri arasında qarşıdurma
yaşandı. Peşəkar Futbol Liqasının prezidenti Ramin Museyev və
"Neftçi"nin rəsmilərinin, həmçinin "ultraNeftçi"
fan-klubunun rəhbəri Ceyhun Əzizlinin və polisin müdaxiləsindən sonra
"Gəncə" azarkeşləri yola salındı.
Olayla bağlı Fanat.az-a açıqlama verən "Kəpəz"
fan-klubunun rəhbəri Elmar Əliyev baş verənlərə görə konkret
"Flaqman" fan-klubunu və onun rəhbəri Ceyhun Bədəlzadəni
günahlandırdı: "Flaqman" fan-klubu bizə qarşı insanlağa yaraşmayan
hərəkətlər etdi, nalayiq ifadələr işlətdi. "Gəncə" indiyəqədər heç
bir kluba qarşı belə hərəkət etməyib. "Neftçi"ni həmişə layiqincə
qarşılamışıq, onlara qardaş demişik. Amma "Flaqman" bizi düşmən kimi
qarşıladı, təhqir olunduq. Məgər biz azərbaycanlı deyilik, erməniyik?
