«Neftçi» ilə görüşümüz də azarkeşlərin yaddaşına yaxşı oyun kimi yazılacaq. - 26 Апреля 2010 - 12-ci oyunçu azarkeş qrupuun Rəsmi Veb Saytı

Tuyğun Nadirov qol.az saytına müsahibə verərək «Olimpik» və «Neftçi» ilə oyunlar haqda fikirlərini bildirdi:

-«Klub rəhbərliyi tərəfindən «Xəzər Lənkəran»ın qarşısına qoyulan əsas hədəflərdən birincisi çempionluqdur. Növbəti hədəfimiz isə ölkə kubokunu qazanmaqdır. Hədəflərimizə çatmaq üçün qarşıda duran ilk önəmli qarşılaşma «Olimpik»lə sabah keçirəcəyimiz matçdır. Bütün oyunlar kimi bu matçda da məqsədimiz qələbə qazanmaqdır. Ümidvaram ki, komandamız bunu bacaracaq. Düzdür, oyun çox çətin keçəcək. Çünki rəqibimizin avrokuboklarda işitirakı üçün yeganə yolu məhz elə ölkə kubokunu qazanmaqdır. Bunun üçün onlar sona qədər mübarizə aparacaqlar. Lakin bütün bunlara baxmayaraq, bu matçdan sərfəli nəticə əldə edəcyimizi düşünürəm.

Hesab edirəm ki, gözəl bir oyunun şahidi olacağıq.

Biz ilk növbədə gözəl oyun oynamağa çalışırıq. İstəyirik ki, komandamızın matçlarını izləyən hər bir azarkeş oyunumuzdan zövq alsın. Ötən turda «İnter» üzərində qələbə qazana bilməsək də, azarkeşlər gözəl bir matçın şahidi oldu. Fikrimcə, «Neftçi» ilə görüşümüz də azarkeşlərin yaddaşına yaxşı oyun kimi yazılacaq. Nəticəyə gəldikdə, «Neftçi» üzərində qələbə qazanacağımıza inanıram. Qələbə qazanmaqla ilk pillədəki yerimizi qorumaq istəyirik.

Bütün azərkeşlərimizin mayın 1-də «Neftçi» ilə keçiriləcək oyunda bizə dəstək olmaq üçün stadiona gəlməsini istəyirik. Bunun üçün azarkeşlərimizə səslənirik:

-Gəlin, bizə dəstək olun!

Çünki bizim bütün qələbələrimizdə azarkeşlərimizin böyük rolu olub».