Lənkəran rayon Qaz İstismar İdarəsinin nəzdinə "Neftçi”nin yeni  fan klubu yaranıb.  "Ağ-qara Çaqqallar” adlanan fan klubun əsas məqsədi "Xəzər Lənkəran”ın fəal  azarkeşlərini soyuq qış günlərində təbii qaza həsrət saxlamaqdır. 2011-ci il yanvarın 12-dən başlayaraq fəaliyyətə başlayan "Çaqqallar” ilk addımlarını da atıblar. Beləki, "12-ci oyunçu”  azarkeş qrupu təşkilat komitəsinin rəhbəri İslam Cabbarlının  kirayədə qaldığı evin (Lənkəran şəhər Z.Əliyeva küçəsi ev 5 mənzil 50)  qaz borularını ümumi  şəbəkədən ayıraraq 3-az yaşlı uşaq da  daxil olmaqla 7-nəfərlik ailənin  soyuqdan donmasına şərait yaratmışlar. Bu işi özlərinə şərəf bilən qaz idarəsinin işçiləri bununla da "Neftçi” klubunun fanatlarına həmrəylik göstərdikləri düşüncəsindədirlər. Bundan əlavə fəal azarkeşlərin bir neçəsini də təbii qaza həsrət saxlayaraq  yaxın günlərdə soyuqdan dondurmaqla "Ağ-qara Çaqqallar” fan klubunun üzvləri ağqaraların digər fan klubları olan  "Flaqman” və "UltraNeftçi”  fan klublarına dostluq mesajları göndərmək fikrindədirlər.