"Neftçi” haqqında ballada -2.

Buyruğun AFFA kimi oldu şələ, "Neftçi” lələ.

Bu şələ quyruğunu verdi ələ, "Neftçi” lələ.

                            ***

AFFA dayday sənin az şöhrətini eylədi çox,

Sal nəzər tarixə kimlər sənə neylədi çox...

Bir tərəfdən elə dayday da səni çeynədi çox...

Bir tərəfdən PFL qurdu tələ,  "Neftçi” lələ.

                        ***

 Lənkərandan,  mən ölüm, insafa  gəl - çək nəzəri,

Bəhrəmovda sənə, vallahi, bitirrik  "vəzəri”...

Qısqanırsan,  de görək hansı səbəbdən "Xəzər”i ?

Var "Turan”, var "Qarabağ”, var "Qəbələ”, "Neftçi” lələ.

                         ***

"Xəzər”-  aldıqları göz dağı kimi sərgi qalıb,

"Birliyin kuboku” ondan sənə bir sərki qalıb.

Çox boğazdan yuxarı tərif ediblər ki, qalıb,

Başda sevdayi "Flaqman”lıq elə,  "Neftçi” lələ.

                           ***

Xalqa səndən nə komanda olub, hər kəs sənə yad,

Bilmirəm kimdi verir xalqın adından sənə ad ?!

Bu adı sən daşıya bilmədin, ay dadi bidad...

Sənin üçün deyil ağır şələ,  "Neftçi” lələ.

                      ***

Belə qısqanclıq ilə yoxdu bu dünyada tayın,

Snə çox saxta "Flaqman” dedilər çıxdı zayın,

Həmişə yemlik olubsan çobanın AFFA dayın...

Dayın ildə səni qırxanda mələ, "Neftçi” lələ.

                       ***

Beş nəfər yoxdur azarkeş , dura dərdindən ölə...

AFFA da varmı o insaf-tikəsin sənlə bölə ?!.

Dəyişər hətta Prezident nədi, məşqçin də belə,

Düşəcəksən hələ çox əldən-ələ, " Neftçi” lələ.

                            ***

Bağrının dağı "Xəzər”dən vurulan qol yarası,

"Şanpərəs”lə Talışın yoxdur əzəldən arası,

Lap özün tək qarışıb taleyinin "ağ-qara”sı,

Daha sən gəlməyəcəksən əmələ, "Neftçi”lələ

                                ***

Yolunu sən kimi ömründə "Xəzər” azmayıb heç,

Sən qazırsan quyu amma o sənə qazmayıb heç..,

Hələ Tofiq sənə "ballada”sını yazmayıb heç,

Gözləyir qarşıda "ballada”n hələ, "Neftçi” lələ.

Mən ki, yazsam sənin haqqında əsil "ballada”

Şair olmaz ki, sənə kara gələ, "Neftçi” lələ.

TOFİQ  HƏSƏNLİ.