Peşəkar futbol liqasının keçirdiyi Premyer liqada növbəti tura sentyabrın 11-də start veriləcək.Şənbə günündən başlayaraq qarşıdakı üç tur premyer liqanın sifətini açacaq, bağlı niyyətlərə aydınlıq gətirəcək.Hansı klubun uğur qazanması üçün süni şəraitin yaradılması bilinəcək ki,bu bizim ölkə futbolunda həmişə olub. Bu çempionatda hər şey "Neftçi”nin xeyrinə hesablanıb. "Neftçi”nin xeyrinə verilən ötən ilin ardıcıl penaltilər seriyaları ən köklü klubun altılığa düşməsinə nail olmaq üçün idi.Keçən il altılıqda hakimlər hesabına möhkəmlənən "Neftçi” bu il çempion olmalıdır.Hər halda bunu istəyənlərin sayı az olsa da onların fikrləri qətidir.Amma bu qətiliyə qarşı çıxmaq olar,bunun üçün ağılla mübarizə aparmaq gərəkdir.PFL- təqvimi haqda keçən yazılardan birində araşdırma aparmışdıq və məlum olmuşdu ki, "Neftçi” təqvimdə "Xəzər Lənkəran”ı qarabaqara izləyir.Əlbəttə ki, "Neftçi”ni birinci etmək üçün "Xəzər Lənkəran”ı vurmaq lazımdır.Çünki,digər klubların arasında "Neftçi”yə qarşı mübarizə aparmaq gücündə olanları varsa da azarkeş məsələsində fərqlər statistikanın gözü ilə də görünür.Həmin klubların azarkeşlərinin sayı cənub təmsilçisini sevənlər qədər olmadığına görə ilk növbədə neytrallaşmalı olan "Xəzər Lənkəran”dır.Çox uzağa getməyək, növbəti iki turda baş tutacaq iki oyuna diqqət yetirmək kifayətdir.Sentyabrın 11-də "Neftçi” – "Muğan” və ertəsi gün MOİK – "Xəzər Lənkəran” oyunlarında,həmçinin sentyabrın 18-də "Muğan” – "Xəzər Lənkəran” və MOİK – "Neftçi” oyunlarında eyni rəqiblərin "Neftçi”yə və "Xəzər Lənkəran”a qarşı necə oynayacaqlarına fikir verilərsə hər şey aydın olar.Bu iki komandanın futbolçuları, "Xəzər Lənkəran”a qarşı xüsusi motivasiya ilə meydana çıxacaqlarsa, "Neftçi” ilə matçda sıradan bir oyun kimi vaxt keçirəcəklər... (Ardı var)