“Neftçi” – “Xəzər Lənkəran” oyunu üçün növbəti tamaşa hazırlanır . - 27 Апреля 2010 - 12-ci oyunçu azarkeş qrupuun Rəsmi Veb Saytı

ŞOK !!! - “1-may tamaşası”.

“Neftçi” – “Xəzər Lənkəran” oyunu üçün növbəti tamaşa hazırlanır .

Aprelin 27-də axşam saatlarında aldığımız məlumatda, “Neftçi” – “Xəzər Lənkəran” oyunu zamanı, hakimlərin ifasında növbəti tamaşa göstəriləcəyi haqda xəbər verildi.Bu dəfəki oyunun baş hakimi, “Xəzər Lənkəran” futbolçularına ardıcıl sarı vərəqələr verərək, yersiz cəza metodları ilə komandamızda ruh düşkünlüyü yaratmağa çalışacaq.Matçda “Xəzər Lənkəran” futbolçularına qırmızı vərəqələrin da verilməsi nəzərdə tutulur.Bundan əlavə qapımıza sadə oyun epizodunda penalti təyin olunacağı və ya ofsayddan vurulan qolun hesaba alınacağı da planlaşdırılır.Oyunun “Neftçi”nin xeyrinə bitməsi üçün baş hakim və köməkçiləri əllərindən gələni etməlidirlər.

Hakimlər bu dəfə daha irəli gedərək “Xəzər Lənkəran”ın vuracağı qolları hesaba almamaq kimi primitiv vasitələrə üstünlük verməyəcəklər.Beləki, onlar müasir taktika tətbiq etməklə Lənkəranlı futbolçuların ümumiyyətlə rəqib qapısına yaxınlaşmasına imkan verməyəcəklər.Oyundan sonra isə hər iki klubun azarkeşlərinin arasında qarşıdurmanın təşkil olunması da gözlənilir.Bu qarşıdurma isə oyunda baş verənlərin kölgədə qalmasına görə həyata keçiriləcək.Bu da “Neftçi” fanatlarının növbəti daşqalaq və etnik ayrıseçkilik aksiyasını reallaşdırmağa şərait yaradacaq.Məlumatın həqiqətə uyğun olma ehtimalını araşdırırıq.

Amma indiyə qədər “Xəzər Lənkəran”ın – “Neftçi” ilə oyunlrarında baş verənləri nəzərə alsaq məlumatda deyilənlər inandırıcı da görünə bilər.”Qızıl oyun”dan başlayan şübhə dolu məqamlar,sonrakı oyunlarda da illər boyu davam edib,Lənkərandakı son oyunda kulminasiya nöqtəsinə çatdı.Tamaşanın baş rolunun ifaçısı son dəfə Əfqan Həmzəyev olsa da,tamaşa müəllifləri və mənfi qəhrəmanlar da Lənkəranlı futbol aarkeşlərinə bəllidir.Ssenari müəllifləri Ramin Musayev və Xaqani Məmmədov,rejisor Xaqani Məmmədov,baş rolda Əfqan Həmzəyev və s.-in “zəhməti” olan tamaşada, rəqib klubda çalışanlar da epizodik olsa belə rol almışdılar.

Həmin çox pərdəli tamaşanın mənfi qəhrəmanlarından biri “Neftçi” futbol klubunun mətbuat xidmətinin rəhbəri Elnur Əşrəf oğlu idi.Elnur bəy öz rolunu oynayarkən o qədər obraza girmişdi ki,hətta tamaşanı “Dədə Qorqud dastanı” ilə səhv salmışdı.Digər mənfi qəhrəman isə “Neftçi” futbol klubunun vitse prezidenti Tahir Süleymanov da rolunu layiqincə ifa edə bilmişdi. Beləcə iki dahi aktyoru olan “Neftçi” klubunun “1-may tamaşası”nda öz aktyor ansamblı ilə çıxış edəcəyi ağıla batandır.Bu tamaşanın çəkiliş və montaj işlərini də, yayım hüququna sahib “İdman Azərbaycan” kanalının həmişəki ustalıqla həyata keçirəcəyini diqqətinizə çatdıraq. Araşdırmalarımız davam edir...