Noyabrın 27-də  "Futbol+”  qəzetinin bölgə müxbiri Hüseyn Cəbrayıloğlu ad gününü qeyd edir. "Xəzər Lənkəran” azarkeşlərinin sevimlisi olan Hüseyn bəy, ömrünün 35-ci ilinə qədəm qoyur.

Hələ 15-yaşında ikən o ilk dəfə qələmə aldığı maraqlı yazıları ilə 90-ci illərin əvvəllərində  populyar qəzet olan "Çeşmə” qəzetinin oxucuları tərəfindən sevilmişdi.

Hətta yeddi illik hərbi xidmət də onu qələmdən ayırmadı. Son illər isə o idman mətbuatında gücünü sınadı  və yenə Lənkəranlıların sevimlisi ola bildi.

"Xəzər Lənkəran” klubu və ölkə futbolu haqqında yalnız qərəzsiz və vicdanlı yazıları ilə o minlərlə insanın qəlbinə yol tapa bilmişdir.

 Onu da qeyd edək ki, hələ 2006-ci ildə fəal azarkeşlərlə görüşlər zamanı müstəqil fan klubların əhəmiyyətini həmişə qabardan  və hətta  "12-ci oyunçu” müstəqil fan klubunun yaranmasının idea müəllifi də məhz Hüseyn Cəbrayıloğlu olmuşdur.

Biz "12-ci oyunçu” azarkeş qrupu olaraq Hüseyn Cəbrayıloğlunu  ad günü münasibəti ilə təbrik edirik. Ona uğurlu ömür arzulayırıq.  35-yaşın mübarək !