"Xəzər Lənkəran”ın məşqini izləyərkən  öyrəndik ki, "12-ci oyunçu”nun yarandığı ilk günlərdən bizimlə olan Elçin Qəmbərov dekabr 10-da  ad gününü qeyd edir. İlk olaraq biz onu təbrik etdik, daha sonra da iki arzusunu həyata keçridik. Əvvəlcə onun Ruslan Poladovla  sonra isə Mirça Redniklə birgə fotosunu çəkdik. "Xəzər Lənkəran”ın oyunlarında böyük ölçülü 12-rəqəmi nə vaxt tribunada asılırsa deməli Elçin bəy "Fırtınalar Meydanı”ndadır.  "Xəzər Lənkəran” sevgisini  heç vaxt  gizlətməyən bu azarkeş  səfər oyunlarında da daim komanda ilə birgə olur. Biz bir daha buradan Elçin bəyi təbrik edirik və inanırıq "Xəzər Lənkəran”ın "Gəncə”  üzərindəki qələbəsi onun üçün ən yaxşı hədiyyə olacaq.