Bununla belə oyunu idarə edən baş hakimin zəhməti də az olmadı.Bir hakim kimi oyunu normal idarə etməkdənsə yalnız boşuna fit çalmağa üstünlük verən və Xəzər Lənkəran futbolçularını qarabaqara izləyərək oyunun tempini aşağı salmağa çalışan və beləcə ev sahibi olan komandanın qələbə hesabını qorumaq istəyinə uyğun hərəkət edən baş hakim Elçin Məmmədov elə öz istəyinə də çatdı.Xaqani Məmmədovun xüsusi tapşırıqlarını yerinə yetirən Elçin Məmmədov,həmsoyadının “Xəzər Lənkəran”a qarşı apardığı düşmənçilik kompaniyasının aktiv iştirakçısına çevrildi.
Aztv-nin, oyunun 25-ci dəqiqəsindən efirə verilməsi ilə diqqət çəkən,AFFA-nın rəhbərliyi ilə həyata keçirilən missiyanın estafetini PFL ötür-ötür edərək hakimlər komitəsinə ötürə bildi. Azarkeşləri özündən çıxaran Xaqani Məmmədov və onun arxasında duranlar hakimləri söyüşlərə tuş gəlməyə məcbur edirlər.Azarkeşlər futboldan(əgər futbol qurumlarının nail olduğu bu biabırçılıqlara futbol demək olarsa)beziblər.Şikayətlərə baxılmır,hakim özbaşınalığı davam edir,azarkeşlər nə etməlidirlər axı.Amma deyəsən yolu var:-stadionlara gedib hakim səriştəsizliyi və özbaşınalığından əsəbləşərək söyüş söyüb qınaq obyektinə çevrilməkdənsə,bir dəfəlik getməmək bəlkə də daha yaxşıdır.
Lənkəranlı azarkeşləri futboldan uzaqlaşdırmaq missiyası çox uğurla davam edir.Çirkinlikləri və səhnə arxası oyunları görən, ölkənin əsas azarkeş kütləsi olan “Xəzər Lənkəran”lı azarkeşlər belə gedərsə stadionları tərk edəcəklər.O zaman Azərbaycanın futbol arenaları yenə də 300-tum çirtlayan seyrçinin ümidinə qalacaq. Bu böyük işə hələlik mətbuat qoşulmayıb. Lakin yaxın günlərdə cəmiyyətin qanunlarına tabe olmaq məcburiyyətində qalan mətbuatın da azarkeşlərə qarşı müharibədə iştirak edəcəyi gözlənilir.