Ana Səhifə» 2010»İyun»27 » osvaldo Junino "Xəzər Lənkəran"ın futbolçusu deyil.
21:30
osvaldo Junino "Xəzər Lənkəran"ın futbolçusu deyil.
Ölkənin idman sahəsində ən nüfuzlu informasiya vasitələrindən biri olan "apasport.az" saytına daxil olub idman yeniliklərini izləməyən idman sevər demək olar ki,tapılmaz."İnformasiya məkanında liderliyi əlində saxlaya bilmək qabiliyyəti" kimi fikirlər, bu saytın fəaliyyətinə qiymət verilərkən işlədilən ifadələrdəndir.Daha çox dəqiq və qərəzsiz məlumatlar yayan "apasport.az" , "Xəzər Lənkəran" azarkeşlərinin də diqqət mərkəzində qalmaqdadır.Məhz burada təqdim olunan hər hansı informasiya tərəfimizdən qəbul olunur və şübhə doğurmur.Lakin bir neçə gün öncə "Xəzər Lənkəran"ın Almaniyada təlim məşq toplantısı çərçivəsində keçiridyi yoldaşlıq oyunu haqda məlumat yayarkən, rəqib komandanın adının səhvən "Mattersburq" klubu olaraq təqdim olunması narahatçılığa səbəb oldu.Hansı ki,həmin yoldaşlıq oyununda "Xəzər Lənkəran"ın rəqibi digər klub olmuşdu.Düzdür bu "Xəzər Lənkəran" klubunun mətbuat xidmətinin günahı kimi də qiymətləndirilə bilər,amma oxucularına dəqiq informasiya ötürməsi ilə ad çıxaran bir informasiya vasitəsinin araşdırma aparması da vacib idi.Bu hadisə bir neçə gün öncə olduğundan, bəlkə də bir çoxları tərəfindən unudulub və güman edirirk ki,hörmətlə yanaşdığımız "apasport.az" saytında bundan sonra daha diqqətli araşdırılaraq təqdim olunan məlumatlarla rastlaşacağıq.
Hal hazırda isə diqqətimizi çəkən bu saytın ana səhifəsində təqdim olunan "Xəzər Lənkəran" klubunun rəsmi internet saytının reklam olunduğu keçiddə komandanın keçmiş futbolçusunun şəklinin hələ də qalmasıdır.Söhbət,Osvaldo Juninodan gedir.Bildiyiniz kimi bu futbolçu artıq "Bakı" klubuna keçib və artıq bir aya yaxındır ki,paytaxt klubunun şərəfini qoruyur.Yenə sayt xidmətçiləri reklam olunan "Xəzər Lənkəran" futbol klubunun mətbuat xidmətini və ya bu klubun reklam depatamentini günahlandıra bilərlər.Amma "apasport.az" saytı, səhifələrində reklam yerləşdirərkən öz adını və nüfuzunu da qorumalıdır. Bundan əlavə biz "Xəzər Lənkəran" azarkeşləri, Osvaldo Juninonun şəklini azarkeşlik etdiyimiz klubun reklamında görəndə hansı hissləri keçirdiyimizi sizin diqqətinizə çatdırmaq istəyirik.Ölkə kubokunun finalında sevimli komandamızın qapısına "Fair-play" qaydalarına məhəl qoymadan qol vuran bir komandanın heyyətinə qatılmış futbolçuya qarşı,məhz bu komandaya keçməsinə görə qəzəb və hiddətimizi gizlədə bilmirik.Bu məsələdə də güman edirik ki, "apasport.az" saytı, öz adına həmçinin ölkənin ən böyük azarkeş ordusunun keçirdiyi hisslərə hörmətlə yanaşacaq və "Xəzər Lənkəran" klubunun rəsmi internet saytının reklam olunduğu keçiddən, Osvaldo Juninonun şəklini çıxaracaq.
"Qeyd edək ki,bizim sayt reklamsız fəaliyyət göstərir və burada heç kəsin fərdi olaraq iradəsinə uyğun iş qurulmadığından fəal azarkeşlərin ümumi mənafelərinə xidmət edir.Güman edirəm ki,aydın oldu."
Hörmətli Cavid,biz sizin təklifinizi müzakirə etdik və qərara aldıq ki,müəyyən vaxt hələ bu şəkil Fırtınınalar meydanına xoş gəlmisiniz cümləsinin altında qalsın.Səbəbini də anladım.Bu sayt açılanda hələ 12-ci oyunçu müstəqil fan klubu fəaliyyət göstərirdi.Biz 12-cilər olaraq özümüzə daimi yer kimi qapı arxasında olan E sektorunu seçdik.Həmin şəkil də məhz qapı arxasına aid olduğuna görə saytımızın ana səhifəsində yerləşdirildi.Hal hazırda isə 12-ci oyunçu azarkeş qrupu təşkilat komitəsinin üzvləri və bir çox digər fəal azarkeşlər də bizimlə birgə elə həmin E sektorunda otururlar.Orada oturanların bir çoxları ilə məsləhətləşəndən sonra və sayt istifadəçilərinin birgə müzakirəsi nəticəsində qərara aldıq ki,həmin şəkil 12-cilərin qapı arxasında E sektorunda qlamasının rəmzi məna daşıyıcısı olaraq qalsa daha yaxşı olar.Gələcəkdə isə yeni saytın açılışında bu məsələyə bir dəfə də baxılacaq.Qeyd edək ki,bizim sayt reklamsız fəaliyyət göstərir və burada heç kəsin fərdi olaraq iradəsinə uyğun iş qurulmadığından fəal azarkeşlərin ümumi mənafelərinə xidmət edir.Güman edirəm ki,aydın oldu.Həmin şəkil Fırtınalar meydanına aid olmasa da 12-ci oyunçuya bir başa aidiyyatı vardır.Bu mənada bu saytın bir başa 12-ci oyunçu azarkeş qrupunun rəsmi internet saytı olduğunu da demək olar.
