"Xəzər Lənkəran” komandası "Neftçi” ilə oyunun hazırlıqları davam etdirir. "Neftçi” ilə oyun öncəsi "Xəzər Lənkəran” komandası oyunun keçiriləcəyi T.Bəhrəmov stadionunda martın 2-də məşqə çıxıb. Bu komandanın oyun öncəsi son məşqi olduğundan məşqçilər korpusu futbolçulara ağır məşq keçməyiblər. Bununla belə qeyd etmək lazımdır ki, məşq zamanı futbolçuların həvəslə çalışmaları və məşqçilər korpusunun tapşırıqlarını diqqətlə yerinə yetirmələri komanda daxili gözəl ab havadan xəbər verir. Bir neçə yüngül zədəsi olan futbolçular istisna olmaqla komandada heç bir problemin olmadığını da xüsusi vurğulamaq lazımdır.
QEYD: Bir gün öncəki məşqi izləyən "Fırtına” fan klubunun fəallarından olan Emil Kazımov bu məşqdən də fotoreportaj hazırlayaraq saytımızın e-mail ünvanına göndərib. Fotolara görə Emil bəyə təşəkkür edirik.
