"Xəzər Lənkəran” ın baş məşqçisi Mirça Redniki gündəmdə saxlayan Rumın mətbuatı indi də komandamız üçün qapıçı tapıb. Vacta Kosminin "Xəzər Lənkəran”ın düşərgəsindən ayrılması xəbərini eşidər eşitməz Rumınyalı jurnalistlər "Universitea Kluj” klubunun qapıçısı Florin Mataçenin "Xəzər Lənkəran”a transfer olacağı haqqında iddialar irəli sürməyə başlayıblar.

Qeyd edək ki, Florin Mataçe karyerasının əsas hissəsini  Buxarest "Dinamo”sunda keçirib. Son klubu "Universitea Kluj” olub və bu klubda 2010 futbol mövsümündə 24-oyunda meydana çıxıb.  "Universitea Kluj” klubunun rəhbərliyi onları maraqlandıra biləcək təklif gələrsə qapıçını verməyə hazır olduqlarını bildiriblər.

Florin Mataçe

Doğum tarixi: 3/08/1982

Doğum yeri: Buxarest, Rumınya

Boyu: 1.90 m

Çəkisi: 76kq

Ampula: Qapıçı