Ağsaqqallara baxa...

"Xəzər Lənkəran” – "Bakı” oyunu ətrafında fikir bildirənlərin bir qismi "Neftçi” ilə oyundan sonra olduğu kimi qəribəliklər axtarıb tapacaqlar.

İlk olaraq Kamran Ağayev hədəfə düşür.Qapısında qol görəndən sonra  əsəbləşən qapıçı  və qol sevincini yaşayan rəqib futbolçu arasında yaranan insidenti şişirdəcəklər.

"Neftçi”nin bayrağının yandırılmasını milli faciə səviyyəsinə qaldıranlar indi deyəcəklər ki,milli komandanın qapıçısına yaraşmayan hərəkətlətə yol verən Kamran cəzalanmalıdır,bu tərbiyyəsizlikdir,bağışlanası iş deyil,prokuratura və milli təhlükəsizlik orqanlarının müdaxiləsi lazımdır və s...

Hələ fanatların tribunada yazıb əllərində tutduqları plakat da müzakirə olunacaq.Etikadan kənar adlandırıb Lənkəranlı azarkeşləri tərbiyyəsiz qismində təqdim edəcəklər və tələb edəcəklər ki,bundan sonra Lənkəranlılar hər hansı plakatı yazmaqdan öncə Azərbaycan Elmlər Akademiyasının Filologiya və dilçilik şöbəsinə müraciət etməli,prezident aparatından və nazirlər kabinetindən rəsmi icazə almalıdırlar.

Daha sonra qanadları ağ-yaşıl rəngə boyanmış  göyərçinin havaya buraxılmasını, sonra isə onun meydançaya qonmasını milli zoologiya dəyərlərinə zidd addım kimi qiymətləndirəcəklər.Sonra qəzetlərimizin bəziləri göyərçin buraxan uşağı məhkəmə filən tanımadan cianyətkar adlandırıb,göyərçinin yiyəsini isə vətən xaini elan edəcəklər.Hələ bizi bu insanları tapmaqda maraqlı olmadığımız üçün suçlayacaqlar da ...

"Neftçi” ilə oyunda qonaq fanatların oturacaqları sındırıb yerli azarkeşlərə atmasını unutdurmaq üçün ,”Bakı” ilə oyunda hər iki klubun fanatları arasında insidentin baş verməməsini asayiş keşikçlərinin yaxşı çalışmasında görəcəklər.

Halbuki dava dalaş düşməməsinin yeganə səbəbi odur ki, "Bakı”nın ağ-göy zolaqlı formasını geyərək müəyyən xərclər hesabına paytaxtdan gətirilən məktəblilər oyun boyu  aqressivlik göstərmədilər.Oturacaqları "Neftçi” fanatları kimi sındırıb yerli azarkeşlərə atmadılar.

Növbəti oyunlardan sonra ağzı göyçəklər tərəfindən  müzakirə mövzularının ehtimal olunan variantları bunlardır:

1.Niyə "Xəzər Lənkəran” azarkeşlərinin böyük əksəriyyəti oyun üçün satışa çıxarılan  biletləri qabaqcadan deyil oyun günü alırlar.Bu Lənkəranlı azarkeşlərin ölkə futboluna hörmətsizliyidir.

2. "Xəzər Lənkəran”  "Neftçi” yə minimal hesabla qalib gəlib, "İnter” və  "Bakı” ilə heç-heçə edibsə niyə MOİK –lə oyunda rəqibin qapısına bir neçə top vurur ? Bu cənub klubunun ayrseçkilik siaysətidir,milli orduya onun əsgrlərinə deməli dövlətə onu tributlarına hörmətsizlikdir.

3. "Xəzər Lənkəran” ev oyunlarına qış fəslində qara rəngli geyimlərlə insanlar stadiona axışırlarsa, deməli onlar bayrağı yandırılaraq tikələnən,beləcə haqqı tapdanan,dünya futbolunun incilərindən olan "Neftçi” klubunun 7-milyon sayında olan azarkeşlərinin bir hissəsidirlər.

4. "Xəzər Lənkəran” komandasının səfər oyunlarında xüsusən də paytaxt klubları ilə keçirilən oyunlarda  tribunaların Lənkəranlılar tərəfindən dolması flaqmana və onun veteranlarına qarşı növbəti təxribat xarakterli addım sayılmalıdır.Beləcə xalq komandasının vaxt tapıb stadiona gələ bilməyən tərəfdarlarının haqqında pis fikrin yaranmasına hesablamış hərəkətdir. 

5.Futbol qurumalrında çalışanların "Neftçi” klubunun yolu ilə o məqama ucalmasını  pisləyən Lənkəranlı azarkeşlər, ağ-qara formanı 288-dəfə və ya ondan az və çox geyinmiş dahi futbolçularımıza,eyni zamanda vaxtı ilə "Neftçi”nin uğurları üçün tər tökən erməni əsilli futbolçulara hörmətsizlik edirlər.Bu da öz növbəsində "Neftçi”nin erməni əsilli futbol  veteranları klubunun haqlı narazılığına səbəb ola bilər.

Ardını siz yazın...