"Qarabağ” – "Xəzər Lənkəran” oyununun başlamasına 2-saat qalmış Lənkərandan Bakıya komandamıza dəstək olmaq üçün gedən azarkeşlər  artıq T.Bəhrəmov stadionunun qarşısına yığışıblar. "12-ci oyunçu”nun vasitəçiliyi ilə yola düşən azarkeşləri Bakıda nümayəndəmiz Fariz İsayev qarşılayıb. "Xəzər Lənkəran”ın rəsmi fan klubunun da artıq T.Bəhrəmov stadionunun qarşısında olduğunu qeyd edək.

 Fariz bəy elə stadionun qarşısında "Qarabağ” fan klubunun rəhbərliyi ilə də görüşüb. Görüş zamanı "Qarabağ” fan klubunun  rəhbərliyi bildirib ki, Ağdamlıların cənublu fanatlarla heç bir problemi yoxdur və oyun boyu və sonra baş verə biləcək hər hansı xoşa gəlməz hadisədə onların əli olmayacaq.

Bu arada onu da qeyd edək ki, stadionun qarşısında onlarla digər klubların fanatları görünməkdədir. Bunların arasında "Xəzər Lənkəran” klubu haqqında təhqiramiz ifadələr işlədən bir neçə qrup insanın olduğu azarkeş qrupunun nümayəndəsinin diqqətindən yayımnmayıb. "Neftçi” fanatlarının Lənkəranlı azarkeşlərə daha aqressiv olduğu hamıya bəllidir. 

Stadionun qarşısında gəzən və "Xəzər Lənkəran” azarkeşlərinə replika atanların da "Neftçi” fanatları olduğu ehtimal olunur.

Azarkeşlərimizdən bu mənada diqqətli olmalarını xahiş edirik və onları heç bir təxribata uymamağa çağırırıq. Yalnız komandamıza dəstək olmaq lazımdır.

Haydı irəli, Lənkəranın Xəzəri !