Bir neçə gün ərzində Lənkəran bazarında ev quşlarının satışında olan fəallıq diqqətimizi çəkirdi.Əsasən Lənkərana yaxın  digər rayonlardan gələn və diri  ev quşlarının satışı ilə məşğul olan bir neçə nəfərə yaxınlaşıb maraqlanmağı planlaşdırırdıq.

Sentyabrın 11-də yağışlı gün olduğundan istifadə edib,o biri günlərdə danışmağa belə vaxtı olmayan diri toyuq,ördək və qaz satan bu insanlara yaxınlaşdıq və marağımızı gizlətmədik.Onların hamısı eyni sözləri dedilər:- "Son günlər Lənkəranda diri ev quşları əsasən isə qaz daha yaxşı satılır”.

Maraq üçün qaz,toyuq və ördək satanlardan birinin yanında qalaraq alıcılara suallar verirdik.

 İlk rastlaşdığımız qaz alan qadın idi və o həyətyanı sahəsində ev quşlarının saxlamanın həvəskarı olduğunu bildirdi.Amma ondan sonra ayrı-ayrı vaxtlarda  təxminən 15-nəfərə qədər gənc,   yaxınlaşıb yalnız qaz alırdılar.Qaza bu qədər maraq göstərmələrinin səbəbini bilmək istəyirdik və bütün cavablar demək olar ki,eyni idi: Sentyabrın 25-də baş tutacaq  "Xəzər Lənkəran"ın   "Neftçi” ilə oyununa hazırlaşan gənc azarkeşlər xüsusi  "qaz parad”ı  təşkil etmək istəyilər. "Neftçi”  komandasının və ya fanatlarının avtobusunun qarşısında  "qaz parad"ı keçirəcəklər. Bu paradı keçirməklə bir neçə gün əvvəl keçirilən premyer liqanın  "İnter” – "Neftçi” oyununda  "Neftçi” fanatlarının səsləndirdikləri  "Xəzər qazdır” şüarna Lənkəranlı gənclər sivil formada cavab vermək istəyirlər.Satılan qazların rəngi yalnız ağ olmalıdır ki, sonradan ev quşlarının qara rənglə  zolaqlı boyayıb ağ-qara edəcəklər.

Biz gənclərə bu işdən vaz keçmələrini və  "filən komanda qazdır” şüarının yaxşı bir iş olmadığını xatırlatdıq,amma onların fikirlərində israrlı olduqarını görüb geri çəkildik.