Bir komandanın çempionat boyu rəqib qapısında yarada biləcəyi qol vəziyyətlərini "Xəzər Lənkəran” bu gün "Bakı”nın qapısı ağzında yaratdı.”Bakı”nın qapıçısı oyunun ən yaxşısı adına layiq idi.İstənilən vəziyytdən öz həmlələri ilə komandasını real qol vəziyyətlərindən xilas edən Şarliya komanda yoldaşlarından daha səviyyəli olduğunu göstərdi.

"Xəzər Lənkəran”a gəldikdə bütün futbolçular qələbə arzusunda idilər.Amma bu futboldu,”sən vurmasan sənə vurarlar” prinsipi isə futbolun bəzəyidir.Bəzəkləri ilə insanları heyran edən futbol adlı oyunun qaranlıq tərəfi də var.

Bu dəfə də yenə hakimlikdən söz demək lazım gəlir.Rəqib komandanın heyyətində artistliyi ilə diqqət çəkən Jabaya qırmızı kart veriləndə  oturduğum tribunadakı azarkeşlər hakimin bu qərarından  heyrətləndilər.O anda futbolçuları sakitləşdirib hər ikisinə sarı kart vermk daha məqsədə uyğun olardı.Səhvini düzəltmək üçün isə Fariz Yusifov oyunun sonlarında "Bakı”nın qapısına penalti təyin etməyə borclu olduğu halda fitini işə salmadı.Halbuki rəqib komandanın futbolçusu açıq aşkar əllə oynamış və qapıya gedən topun qarşısını almışdı.Müdafiəçinin əli bədənindən 90 dərəcə altında ayrılmış vəziyyətdə idi.

Biz də həmişə belə işlərə etiraz edirik.Jabaya əgər səhvən qırmızı verilirsə bu bizim səhvimiz deyil.Biz haqlı tələbimizdə qalırıq.Penaltinin verilməməsi ilə "Xəzər Lənkəran” a qarşı yönələn qərəzin həqiqi iddia  olduğunu bir daha sübut etdi.Bütün belə hallar ölkə futboluna ləkə salır...