Ana Səhifə» 2009»Noyabr»7 » "Xəzər Lənkəran"-"Neftçi"
01:36
"Xəzər Lənkəran"-"Neftçi"
Son kubok oyununda “Fırtınalar meydanı”ndakı azarkeş azlığı ölkə mətbuatının diqqətindən yayınmadı.Hətta bəziləri iddia edir ki, “Neftçi” ilə keçiriləcək premyer liqa oyununda da belə ola bilər.Amma 8-noyabrdakı oyunun xal baxımından vacibliyini və əsasən isə intriqasını nəzərə alsaq “Fırtınalar meydanı”nın tam dolacağı daha inandırıcı görünür.Məhz bu oyunda azarkeşlər komandamıza əsl “Xəzər Lənkəran”a layiq formada dəstək olmalıdırlar. “Fırtına” fan klubu bu oyuna tam gücü ilə hazırdır. “Bosman” indiyə qədər olmayan fəallığı göstərəcək.Rəsmi fan klub həmişəki kimi yerindədir. “12-ci oyunçu” azarkeş klubu daha çox stadiondan kənar məsələlərə üstünlük verərək azarkeşlərin “Fırtınalar meydanı”na dəvət olunması ilə məşğul olacaq.Bunun üçün çoxlu sayda vərəqələr hazırlanıb və 7-noyabr saat 09:00-dan etibarən Lənkəranın müxtəlif yerlərində yayacaq.Müəyyən səbəblərdən “Fırtınalar meydanı”na getməyən azarkeşlərin də bu oyunda fəallıq göstərmələri komandanın yanında olmaları vacibdir.Güman edirik ki,hazırladığımız vərəqələr təsir edəcək və həmin gün “Fırtınalar meydanı”nda möhtəşəm azarkeş şousu olacaq.Bütün azarkeşləri 8-noyabrda “Xəzər Lənkəran”a dəstək olmağa çağırırıq. “12-ci oyunçu” azarkeş klubunun təşkilat komitəsi.
"Xəzər Lənkəran" azarkeşi həmişə klubuna öz xüsusi dəstəyi ilə seçilmişdir. insallah bu dəfə daha artiğini edəcək, çünki ''Neftçi''ni udub ondan yuxari pilləyə keçmək lazimdir.
