Premyer Liqanın XI turunda səfərdə "Qarabağ" klubu ilə qarşılaşan "Xəzər Lənkəran" rəqibini 1:0 hesabı ilə məğlub edərək turnir cədvəlində liderliyə yüksəldi. Yenə də baş məqçinin ikinci hissədə etdiyi dəyişiklik özünü doğrultdu. Hücumçunu yarımmüdafiəçi ilə əvəzləyən Mirça Rednik oyunun gedişinə müdaxilə edərək nəticəni öz komandasının xeyrinə dəyişə bildi. Axı məhz oyunçu dəyişikliyindən sonra komandamız meydan sahiblərinin qapısı ağzında daha çox  gərginlik yarada bilmişdilər. Biz Mirça Redniki buna görə bəyənirik. Bu dəfə də ağılla və yerində olunan əvəzləmə öz bəhrəsini verdi. 

 Oyun sonrası təşkil olunan mətbuat konfransında komandamızın baş məşqçisi Mirça Rednik bu fikirləri səsləndirib: ""Qarabağ" Azərbaycanın ən güclü komandalarından biridir. Yaxşı futbolçuları və baş məşqçisi var. Bugünkü oyun gərgin oldu. Meydanın vəziyyəti yaxşı deyildi. Baxımlı oyun izləməsək də, futbolçular meydanda mübarizə apardı".