Dəfələrlə saytımızın şərhlər bölümündə azarkeşlər fikir bildirərkən,saytın dizaynından narazılıq edirdilər.Müxtəlif çətinlikləırə rəğmən saytımız bu günə qədər gətirib çıxara bilmişdik.Nəhayət yaxşı insanlar bizə saytımızda dizayn dəyişikliyi etməkdə yardımçı oldular.Həmişə  "Xəzər Lənkəran”  azarkeşləri ilə xoş münasibətdə olan  "İnter”in fəal azarkeşi Oqtay Ağazadə saytımızda çoxlu işlər gördü.İşlər hələ bir neçə gün də davam edəcək və saytımız bundan sonra daha gözəl şəkildə azarkeşlərin qulluğunda duracaq.Məlumatların verilməsi üçün isə  yenə də moderatorlara ehtiyacımız vardır.Bu vaxta qədər bir neçə azarkeş müxtəlif formalarda saytımıza yardım ediblər.Beləki, "Xəzər Lənkəran”  azarkeşi olan Rahim Nuruzadə saytımız üçün "com” domenini almışdır.Hələ indiyə qədər üzünü belə görmədiyimiz Rahim bəyə o vaxt da təşəkkür etmişdik.Bir neçə  "Xəzər Lənkəran” azrakeşi də bir müddət əvvəl saytda dizayn dəyişikliyi etməkdə yardımını təklif etmişdi.Xüsusi qeyd etmək lazımdır ki,o vaxtlar biz buna lüzum görmədik.Bu yaxınlarda isə saytımızda qeydiyyatdan keçən bir azarkeş  "12-ci oyunçu”  azarkeş qrupunun yeni loqo variantını təklif etdi.Biz də o loqonu azarkeşlərin  müzakrəsinə verdik.İndi saytımızın ana səhifəsində həmin loqonu görmək mümkündür.Bütün bunları qeyd etməklə bildirmək istəyirik ki,saytımız sırf futbol azarkeşlərinin ixtiyarındadır.Onlar yadım edir, dizayn edərək inkişafa doğru getməyimizə çalışırlar,domen alırlar,loqo təklif edirlər və hər şey azarkeş istəklərinə uyğun olur.

Baxın bu  "12-ci oyunçu”  azarkeş qrupununun iş üslubudur,fəaliyyət proqramıdır.Üzünü belə görmədiyimiz bir çox azarkeşin yaxşı əməllərinin ortaya qoyulmasında biz vasitəçi oluruq.

Azarkeşlərin xidmətində qalan bu  sayta yardım edən hər kəsə minnətdarıq.

İslam.