Rednik, al mənə "Neftçi”ni !

Eşqdən itirdim başımı,

Rednik, al mənə "Neftçi”ni !

Atım subaylıq daşını,

Rednik, al mənə "Neftçi”ni !

***

Könül vermişəm o yara,

Könlümü edib o - yara...

Çöhrəsi  "ağ” , "zülfü” qara...

Rednik, al mənə "Neftçi”ni !

***

Oynunu qurmamışam,

Qulağını burmamışam,

Hələ "qol”un vurmamışam,

Rednik, al mənə "Neftçi”ni !

***

"Neftçi”ni mənə alarsan,

"ŞirinPapa”sı olarsan...

Əgər "qaz”lansa yolarsan...

Rednik, al mənə "Neftçi”ni !

***

Əlimdəki saqqızıdır,

Eşqimin əzəl qızıdır...

Bakının "gözəl qızı”dır.

Rednik, al mənə "Neftçi”ni !

***

Özgəsinə olub şələ,

"Qızdığ”ını verməz ələ..,

"Sıfır” saxlamışam hələ...

Rednik, al mənə "Neftçi”ni !

***

Sərvi boyu seyr edərəm,

Qucağımda yer edərəm,

"Sıfırı”nı "bir” edərəm...

Rednik, al mənə "Neftçi”ni !

***

"Xəzər " sözü "vurmaz” sona,

Evində qıymadım ona,

Uşağıma olar ana...

Rednik, al mənə "Neftçi”ni !

***

Qoyma məni yan-yana,

Rednik, al mənə "Neftçi”ni !

Gəlin gətir Lənkərana,

Rednik, al mənə "Neftçi”ni !

Tofiq Həsənli. 14.03.2011 Lənkəran.