"Xəzər Lənkəran” üçün arzuolunmaz haklimlər siyahısını təqdim edirik. İlk yerdə əlbəttəki Elçin Məmmədov gedir. Düzdür Əfqan Həmzəyev də bu siyahıda yer tutur. Lakin onun hesabında bircə  məşhur "Xəzər Lənkəran – "Neftçi” oyunu vardır. Ona görə də o siyahıda hələlik  ikinci yerdə qərarlaşıb.

Beləliklə Elçin Məmmədov və "Xəzər Lənkəran” -  statistikanın gözü ilə.

 Baş hakim Elçin Məmmədovun  idarə etdiyi oyunlar.

Premyer liqa III tur. 21.10.2009

"Olimpik-Şüvəlan” - "Xəzər-Lənkəran” 1-0

Bu oyun futbol sevərlərin  yadında qalar. "Şəfa” stadionunda keçirilən oyunda Elçin Məmmədov o qədər fit çalmışdı ki, hətta oyunu izləyən onlarla azarkeş bezərək stadionu tərk etmişdilər. O vaxt komandamızda top qovan İvan Tsvetkovun demək olar ki, hər dəfə topa toxunuşunda baş hakimin fiti səslənirdi.

Kubok 1/8. 07.03.2010

"Qarabağ” - "Xəzər-Lənkəran” 2-1

"Küləkli oyun” adı almış bu oyun futbol tarixinə düşə bilər. Çünki, hakim özbaşınalığının ən dəhşətli məqamları bu oyunda yaşandı. Beləki, matçın 59-cu dəqiqəsində Rəşad Sadıxov topla irəliləyərkən Kristian Kabraldan bir metr məsafə aralıda yıxılır və baş hakim cərimə zərbəsi təyin edir və uzaq məsafədən vurulan zərbə qolla nəticələnir. Oyunun artırma dəqiqələrinə (90+3) birinci vəziyyətin təkrarı baş verir. Ağlasığmayan bir vəziyyətdə zərimə zərbəsi təyin olunur ki, bu da qolla nəticələnir.Halbuki ikinci vəziyyətdə məhz "Qarabağ” komandasının futbolçusu qaydanı pozmuşdu. Oyunu canlı izləyən və video yazıya baxanların diqqətini həmin oyundakı cərimə zərbələri çəkirdi. Matçın ikinci hissəsində ilk yarıdan 3-dəfə çox  "Xəzər Lənkəran”ın qapısı istiqamətində cərimə zərbəsi təyin olunmuşdu ki, onların yalnız birində həqiqətən də qayda pozulmuşdu. Yerdə qalan 8-epizodda isə qayda pozuntusundan söhbət belə gedə bilməzdi.

Premyer liqa XXVII tur. 11.04.2010

"Bakı” - "Xəzər-Lənkəran” 1-0

Bu oyunda da Elçin Məmmədov yalnız öz bacarığından yararlanaraq komandamızın futbolçularını tez-tez çalınan fitlərlə süstləşdirə bilmişdi. Eyni hərəkətləri edən rəqib komandanın üzvləri isə meydanda at oynatmaqda davam edirdilər.

Premyer liqa XXXI tur. 09.05.2010

"Qarabağ” - "Xəzər-Lənkəran” 2-1

Elçin Məmmədov "Xəzər Lənkəran” futbolçularını komandamıza qarşı xırda foulları qeydə almaqla sındırır, bütün hücumları elə dayandırırdı ki, sanki rəqib tərəfdəki futbolçular zərif cinsin nümayəndələridirlər. 

Kubok FİNAL 23.05.2010

"Bakı” - "Xəzər-Lənkəran” 2-1

Kubokun finalında.

Oyunun diqqət mərkəzində olduğunu nəzər alan Elçin Məmmədov daha diqqətli davranırdı. Amma bu oyunda da baş hakim kimi onun böyük səhvi olduğunu demək mümkündür. Beləki, futbol qaydalarına görə top "mübahisəli top”la oyuna daxil olunursa bir komandanın futbolçularının ayağına dəyirsə və əks komandanın futbolçusunun ayağına və ya qaydalara uyğun olan bədən hissələrinə  dəymədən qapıya daxil olursa  qol hesaba alınmamalı idi.

Oyunlara əlavə olunan vaxtlar haqda.

Elçin Məmmədov  öz ənənəsinə sadiq qalaraq oyunda nə qədər dayanmalar baş verməsindən asılı olamayaraq "Xəzər Lənkəran”ın oyunlarında həmişə birinci hissəyə 1-dəqiqə ikinci yarıya isə 3-dəqiqə əlavə edirdi.

Elçin Məmmədovun  "Xəzər Lənkəran”  futbolçularına verdiyi sarı vərəqələr.

Emeka Opara, 81 ("Bakı" - "Xəzər Lənkəran"

XVIII Azərbaycan kubokunun final oyunu - 23.05.2010)

Kamran Ağayev, 23 ; İvan Pexa, 54;  Dieqo de Souza, 89  ("Qarabağ" - "Xəzər Lənkəran" - 09.05.2010)

Kamran Ağayev, 64 ; Kristian Kabral, 45+1; Emeka Opara, 76 ("Bakı" -  "Xəzər Lənkəran" - 11.04.2010)

İvan Tsvetkov, 22; Kristian Kabral, 35 ("Qarabağ"  - "Xəzər Lənkəran"Azərbaycan Kuboku, 1/4 final ilk oyunu - 07.03.2010 )

Osvaldo Martins, 35; Allan Lalin, 45; İvan Tsvetkov, 66 ("Olimpik-Şüvəlan"  -  "Xəzər-Lənkəran" - 21.10.2009)