Ana Səhifə» 2010»Avqust»16 » Tabloda yeni adlar...
17:28
Tabloda yeni adlar...
Premyer Liqanın II turu Elnur Allahverdiyev və Dieqo Ruis üçün əlamətdar oldu. Belə ki, onların hər ikisi “Xəzər Lənkəran”ın heyətində qol hesabını açdı. Zaqatalanın “Simurq” klubu ilə səfərdəki qarşılaşmayadək komandamızın heyətində 50 futbolçu qol sevinci yaşamışdı. Elnur bu siyahıda 51-ci, Dieqo isə 52-ci oldu.
Sonuncu həm də rəqiblərimizi məyus edən 30-cu legioner sayılır. Çünki ona qədər 29 əcnəbi “Xəzər Lənkəran” üçün qol vurmuşdu. Komandamızın tarixinə ilk argentinalı kimi düşən Ruis həm də bu ölkənin klubumuz üçün ilk qolunun müəllifi kimi tarixə düşdü. İndiyədək “Xəzər Lənkəran”da təmsil olunan 23 ölkədən yalnız 14-nün nümayəndələri burada qol vurmağı bacarıb. Daha çox – 6 Braziliya vətəndaşı buna nail olub. Onlar say göstəricisində də xarici ölkələr arasında birincidir – 53 qol.
Mənbə:lankaranfc.com
