Qarşıla "Neftçi”ni 8-martda...

Tədbiri töksə də bu AFFA qağa,

Keçmədi penalla "Neftçi” qabağa...

Penal başımıza olsun sadağa.

Oyunu udmuşuq  o partapartda...

Qarşıla "Neftçi”ni 8-martda...

***

AFFA oynaşının ceyranı gəlir,

Saxta on bir metrə heyranı gəlir,

"Xəzər”in sevgili cananı gəlir...

Bir dəstə çiçəklə qalıb startda,

Qarşıla "Neftçi”ni 8-martda...

***

Tutaq bu görüşə məzə indidən...

Bakıdan naz etsin bizə indidən,

Gəlin xonçasını bəzə indidən,

Belə təsadüflər azdır həyatda.

Qarşıla "Neftçi”ni 8-martda...

***

Tez tərpən "Xəzər”ə layiq azarkeş,

Dinsin on ikinci natiq azarkeş,

Gözün aydın olsun sadiq azarkeş,

Olasan həmişə toyda büsatda,

Qarşıla "Neftçi”ni 8-martda...

***

Söylə söz, "Xəzər”in öz məkanından,

Çayı iç armudu istəkanından...

Çiçək al Elşənin gül dükanından,

Xərclə bu görüşə beş-on manat da...

Qarşıla "Neftçi”ni 8-martda...

***

Kabab qanlıdırsa igid də canlı...

Gözlər intizarda, qəlb həyacanlı...

Bir şey qalmayıbdı ay Lənkəranlı...

Sən gözləməkdəsən o çataçatda...

Qarşıla "Neftçi”ni 8-martda...

***

Kitab arasında qızıl gül qurut...

Yan xəttin şışkalı hakimi unut...

İslam sol əlində hədiyyəni tut,

Götür sağ əlində bir aparat da...

Qarşıla "Neftçi”ni 8-martda...

***

Ağappaq əndamın qaradır xalı,

Salarsız boynuna tirməni, şalı,

Oxuyun ailəli "ay şal-şallı”,

"Xəzər”, yaşıl geyib sən də ağ atda,

Qarşıla "Neftçi”ni 8-martda...

 T.Həsənli