"İnter” – "Xəzər Lənkəran” oyunundan öncə meydan sahibi  "İnter”  klubu təntənəli mərasim  keçirəcək. Azərbaycan klublarının MDB kuboku turnirində indiyə qədərki uğurları işıqlanıdırılacaq. Əvvəlcə meydançaya "Neftçi” klubunun bayrağı gətiriləcək. Beləki,  Azərbaycan klubları arasında ilk olaraq məhz "Neftçi”  adı çəkilən turnirdə uğurlu nəticə qazana bilib. Ardıyca "Xəzər Lənkəran”ın bayrağı ilə meydançaya daxil olacaq uşaq klubumuzun bayrağı yellədən zaman kubokun finalına qədər gedən yoldan danışılacaq. Sonra "İnter” klubunun bu ilki uğurlu çıxışı haqqında danışılacaq və kubok meydana gətiriləcək. "İnter”  rəhbərliyi bu tədbiri məhz "Xəzər Lənkəran”la oyunda keçirməyi qərara alıb. Bu mənada mərasimi izləyəcək azarkeşlərdən mərasim boyu artıq hərəkətlərə yol verilməmələri xahiş olunur.  Xüsusən də "Neftçi”nin bayrağı meydançaya daxil edilərkən  daha diqqətli olmanın vacibliyini vurğulamalıyıq. Beləki, mərasimdə işıqlandırılacaq "Neftçi”nin  və digər iki klubumuzun "Xəzər Lənkəranın və "İnter”in MDB turnirindəki uğurları  eyni zamanda bütün Azərbaycanın uğuru olmuşdur.