Bir qrup “Xəzər Lənkəran” azarkeşi, Azərbaycanda ilk müasir fəaliyyət proqramına malik “ULTRA-Xəzər” müstəqil fan klubunu yaradırlar.Bu yaxınlarda Azərbaycanda ilk dəfə, bank hesabında 100.000-manatdan çox pulu olan fan klub fəaliyyətə başlayacaq.Fan klubun ofisi,avtobusları və minik avtomobilləri,internet saytı,himni,gerbi,möhürü və digər cəhətləri onu indiyə qədər ölkədə mövcud olan fan klublardan fərqləndirəcək. “Xəzər Lənkəran”ın ev oynlarında eyni zamanda 4-tərəfdən olmaqla əks tribunalardan komandaya dəstək verəcək “Ultra” fanatlar “Fırtınalar meydanı”nda ilk dəfə olaraq eyni zamanda 50-ədəd barabandan yararlanacaqlar.Qeyd edək indiyə qədər Azərbaycanda fəaliyyət göstərən fan klubların barabanlarının sayı üst-üstə heç 50-ədəd deyil. ”Ultra Xəzər” lilər həm də radikallıqları ilə fərqlənəcəklər.Beləki,qətiyyən koamnadanın məğlubiyyətini qəbul etməyən “Ultra”lar həm də meydana yad əşyalar atmaqla da rəqib futbolçulara təzyiq vasitəsindən yararlanacaqlarını istisna etmirlər.Təbii ki, “Xəzər Lənkəran” klubunun cərimələnərək zərər çəkməməsi üçün cərimələri də öz hesablarına ödəmək iqtidarında olduqlarını bildirirlər.Həmçinin kluba və məşqçi heyyətinə qarşı tələbkar olacaqlarını da indidən bəyan edirlər.Fan klubun stadionda ilk fəaliyyəti günü “Xəzər Lənkəran”ın ev oyunu üçün satışa çıxarılacaq bütün biletləri alaraq azarkeşlərə pulsuz paylamağı planlaşdıran fan klubun təsisçiləri, hələlik özləri barədə informasiyanın yayılmaması istəyində olduqlarını bildirdilər. Yalnız imkanlı iş adamlarının təsisçilik etdikləri fan klubun ilk bir aylıq fəaliyyətinin onlara 30.000-manata başa gələcəyini də göz önünə gətiriblər.Təsisçilərdən onu öyrənə bildik ki, fan klub ən tezi növbəti futbol mövsümündən etibarən tam gücü ilə fəaliyyətə başlayacaq Hələlik isə “Fırtınalar meydanı”nda yavaş yavaş görünməyə çalışacaq və müxtəlif informasiya vasitələrində “Xəzər Lənkəran”ın rəqiblərinə qarşı informasiya müharibəsinə başlayacaqlar.