Əldə etdiyimiz məlumata görə Vobay Julius , Simao Bruno və Frasinesku Kosmin bu gün axşam saatlarında "Xəzər Lənkəran”ın bazasına gəlib. Qeyd edək ki, bəzi sənədləşmələrə görə paytaxtda ləngiyən və komanda ilə birgə Lənkərana gələ bilməyən bu 3-futbolçu, komandanın qarşılanma mərasimini və məşqdə mindən yuxarı azarkeşin olduğunu görə bilməyiblər. Bununla belə ümidvarıq ki, sabahkı məşqdə də yetərincə azarkeş iştirak edəcək və digər iki futbolçu ilə yanaşı Afrikalı "şoumen futbolçumuz” Vobay Julius da məşqləri izləyən mindən yuxarı azarkeşi öz gözləri ilə görə biləcək. Xatırladaq ki, komandanın növbəti axşam məşqi sabah saat 15:30-da keçiriləcək.