Mətbuatda praqmatik futboluna görə çox tənqid olunan Mirça Rednik bu dəfə də qalib gəldi. Bir çoxlarının bəyənmədiyi oyunuyla rumın mütəxəsis, səfərdə "Qarabağ”ı məğlub edə bilirsə deməli tənqidlərə layiq deyil. Bəlkə də bu dəfə deyəcəklər ki, "çitraxuda” qollarla çempion olmaq mümkün deyil. Bəli, biz də razılaşarıq ki, həmişə belə formada oyunla uğur qazanmaq mümkün deyil. Amma nəzərə alsaq ki, Rednik indiki heyyəti cəmi 20-günə qurub və vaxt azlığından istədiyi transferləri həyata keçirə bilməyib, deməli ona vaxt vermək lazımdır. Axı az qala yarımçıq heyyətlə turnir cədvəlində ilk pilləni zəbt edən "Xəzər Lənkəran”ın qış transferlərindən sonra bam başqa olacağı  hamıya bəllidir. Premyer liqanın ikinci dövrəsinin davamında və sonrakı mərhələdə "Xəzər Lənkəran” artıq  istədiyi oyunu göstərərək istədiyi nəticəni də əldə etməkdə çətinlik çəkməyəcək. Elə Lənkəranlı azarkeşlər də indi gözəl oyundan çox nəticəyə üstünlük verirlər. Ən azı ona görə ki, nəticələr hesabına çempionluq sevincini yaşamaq olar. "Xəzər Lənkəran” azarkeşlərinə çempionluq sevincini yaşamaq çox yaraşır. Kiminsə buna şübhəsi varsa...