Mayın 13-də axşam saatlarına qədər ümumilikdə nə qədər bilet satıldığını öyrənmək istədik.
Bunun üçün “Xəzər Lənkəran”ın məşqini izləyəndən sonra, şəhərin müxtəlif yerlərində bilet satışı ilə məşğul olan insanlarla görüşdük.Sonda məlumatları ümumiləşdirmək üçün stadionun kassalarına yaxınlaşanda, artıq axşam saatları olduğundan yalnız bağlı kassalarla rastlaşdıq.İnsafən deməliyik ki,stadionun kassaları gün ərzində normal iş saatından da çox fəaliyyət göstərib.
Beləcə qiyabi olaraq öyrəndiklərimizin hesabına hələlik təxminən 7-8 min arası biletin satıldığını da deyə bilərik.Ayın 14 və 15-də biletin daha intensiv satılacağını nəzərə alsaq, oyun günü tribunalrda boş yerin olmayacağını indidən demək mümkündür.Onu da qeyd edək ki, əsasən günün birinci yarısında bilet satışında fəallıq hiss olunur. Bu mənada mayın 14-də günortaya qədər 2-3 min biletin satılacağı və ayın 15-də eyni halın təkrarlanacağı da inandırıcıdır.Deməli oyunun başlamasına bir neçə saat qalmış artıq bilet tapmaq mümkün olmayacaq.