"Xəzər Lənkəran” azarkeşləri bütün sahələrdə fəallıqları ilə seçilirlər. Komandanın hər hansı uğuru və uğursuzluğuna dərhal azarkeşlər reaksiya verirlər. "Bosman” fan klubuna məxsus "bosman.at.ua” saytında təqdim olunan bir yazı diqqətimizi çəkdi. Bu yazının yaranmasına səbəb sayt izləyicilərindən birinin şərhi olmuşdur. Beləki, Kənan adlı azarkeş şərh yazaraq  komandanın yoxlama oyunlarındakı çıxışından və komandada Rumıniyalı futbolçuların çoxluğundan  narazılıq ifadə etmişdir. Bundan sonra sayt idarçiləri də bu şərhə münasibət bildirmişlər. Yazının ümumilikdə azarkşlərin  marağına səbəb ola biləcəyini nəzərə alaraq səbəbkar şərhi və yazını saytımızda təqdim edirik. Beləliklə "bosman.at.ua” saytında:

********************

2. Kenan   (Bu gün 18:19)

Bu ilde sevimli Xezerimiz 4 ve ya 5 ci yeri tutacaq(((((

Bu ne heyyetdi qurulub?! Rumuniyanin butun ehtiyat oyunculsri Xezerdedir!!

Xezerin mudafiesindende eser-elamet qalmayib..................(((

Rednik Todorovuda kamandadan kenerlashdirdi.(Todorov artiq demek olar ki Bakinin oyuncusudur.) Amma onun yerine kamandaya Todoruvdan defelerle zeif oyuncular getirib!!

Redniki dushunduren esas shey puldur!! Onsuzda bilir ki,yayda Rednik gedecek.(Ustu ortulude olsa bu haqda bildirib.) Rumun futboluna bir venetdash kimi bacardigi komeyi edir. Gelib Lenkeranin ureyi olan Xezerimizi Xezer-Buxareste cevirib!!! Xezerde rehberlikde "0" seviyyesinde oldugu ucun ona heckim hecne demir!!! Ne qeder bunlara dozmek olar???!!!

 ********************

Narahat olma Kənan bəy!

      Bundan əvvəlki yazıya şərh verən Kənan adlı qardaşımız bir az ümidsizliyə qapanmış kimi görünür. Əslində mən saytın İnzibatçısı olaraq elə şərh bölməsində cavab yazmağa başladım. Lakin geniş bir yazı alındığı üçün həm də bu fikirlərdə olan azarkeşlərimiz də olduğu üçün ayrıca bir yazı şəklində çıxış etməli oldum. Çünki mənim fikrimcə bu il bizi daha böyük bir "Səviyyə" gözləyir.

          Hörmetli Kenan bəy, sizin söylədikləriniz həqiqəti əks etdirə biləcək bir gümandır. Bu subyektiv bir fikir olaraq qəbul oluna bilər. Yoxlama görüşlərinin nəticələrini də bura əlavə etmək olar.

          Amma gəlin obyektiv olaraq da mülahizələrimizi ortaya qoyaq: Yadımıza salaq ki, Rednik "Xəzər Lənkəran"ı qəbul edəndə vəziyyət daha ağır idi. Bu barədə çox yazmışıq. Amma buna baxmayaraq Rednik komandamızı kasıb heyətlə fasiləyə qədər lider vəziyyətə qaldıra bildi.

          Elə Alim Qurbanovu hamımız cərgədən silmişdik. Amma futbolçu ilə düzgün hazırlıq keçdikdə, gör hansı səviyyəyə gəlib çıxa bilir. Məsələn bu mövsüm Alim Qurbanov səhv etmirəmsə 4 top vurub. Hamısına da fikir versək lazım olan momentdə cəld və ağıllı zərbələrin hesabına vurulub bu qollar.

          Deməli futbolçu ilə düzgün işləyəndə çox şeylərə nail olmaq olur. Bu hələ tək bir Alim misalında gətirdiyim arqumentdir.

özünüz də gözəl bilirsiz ki, futbolda fiziki hazırlıq nə deməkdir? Azərbaycan futbolunun Avropadan geri qalmasının əsas səbəblərindən biri də fiziki hazırsızlıqdır. Bura psixoloji hazırsızlığı da əlavə etsək vəziyyət bərbadlaşır. Gör neçə-neçə oyunda komandalarımız oyunun əvvəlini başabaş oynasalar da, sonradan bu dediyim çatmamazlıq üzündən komandalarımız oyunda sanki uçuruma yuvarlanır və sonra da oyunu heç cür xilas etmək olmur.

          Rednikdən sonra "Xəzər Lənkəran"da fiziki və psixoloji vəziyyət yaxşı mənada gör nə qədər dəyişib. Alimin misalında bunu görürük.

          Amma indi düşərgədə olan futbolçular bu barədə tam fərqli futbolçulardır. Uyğunlaşma prosesindən sonra mənim fikrimcə "Xəzər Lənkəran" dişini qıcamış bir aslan kimi rəqibin üstünə yeriyəcək.

          Sizin yadınıza son yoxlama görüşündən sonra Odessanın "Çernomorets" klubunun baş məşqçisi Roman Qriqorçuk kimi bir mütəxəssisin fikirlərini salmaq istəyirəm:-

"Xəzər Lənkəran” fiziki cəhətdən çox güclü oyunçulardan təşkil olunub”

          "Xəzər Lənkəran”la oyunumuz çox gərgin alındı. Buna rəqibin çox yaxşı komanda olması səbəb oldu. Lənkəranlılar çox ciddi futbol oynayırlar. Komanda fiziki cəhətdən çox güclü oyunçulardan təşkil olunub, texniki-taktiki vərdişlərə malikdirlər, fərdi mübarizələrdə bacarıqlıdırlar”.

          İndi gəlin görək belə keyfiyyətlərimiz haqqında nə vaxtsa kimsə bizim haqqımızda söz deyibmi?

          O ki, qaldi Sovet dövründə daim "Güclülər Dəstəsində" çıxış etmiş bir komandanın məşqçisi ola.

          Hələ hücüm xəttinə gözlənilən transferlər də gəlib çıxdıqdan sonra və komandadakı oyunçular bir-birinə uyğunlaşınca onda gör "Xəzər Lənkəran" necə tufan qoparır. Mən buna inanıram, inşAllah bunu hamımız görəcəyik.

          Çünki adam fiziki cəhətdən zəif olduqda və ya xəstəhal olduqda, bir stəkanı belə yerinə qoymağı kimdənsə xahiş etməli olur. Lakin sağlam və fiziki cəhətdən möhkəm olanda az qala 10 nəfərin işini görmək istəyirsən. Hər iki halda özümüzü meydanda təsəvvür etsək bunu daha yaxşı anlayarıq. Mən ümidimi üzmürəm və fikirləşirəm ki, "Xəzər Lənkəran" hələ heç vaxt belə komanda olmayıb. Təki bu işdə Allah köməyimiz olsun. Ənənəvi "Mız" problemləri çıxmasın. Bütün "Xəzər Lənkəran" azarkeşləri matçın gözəlliyindən və gözəl həyəcanlı dəqiqələrdən bir an belə yerlərində otura bilməyəcəklər. "Xəzər Lənkəran" bu il adının yanına bir "Səviyyə" sözü də həkk edəcək. Həm də mənə elə gəlir ki, ümumiyyətlə hələ Azərbaycan belə komanda görməyib.

          Kənan qardaşım mən buna artıq inanıram. Elə sən də ruhdan düşmə çünki bizi qarşıda "Səviyyə" və həyəcanlı dəqiqələr gözləyir.