"Xəzər Lənkəran” – "Gəncə”

11-dekabr saat 16:00

İlk oyun.

Oktyabrın 17-də  Gəncədə keçirilən oyunda komandamız böyük hesablı məğlubiyyətə məruz qalmışdı. Həmin qarşılaşma ilə bağlı oyundan sonra müxtəlif fikirlər səsləndirilmişdi. Əsas isə odur ki, məğlubiyyətdən nəticə çıxararaq sonrakı oyunlarda komanda bacardıqca xal itkisinə yol verməməyə çalışdı.

Qalib gəlmək lazımdır.

Qarşıdan gələn "Xəzər Lənkəran” – "Gəncə” oyununda revanş barədə düşünmək də yersizdir. Hamıya bəllidir ki, "Gəncə” əzmkar, döyüşkən komanda olsa da turnir cədvəlindəki  yeri  onun hazırkı  gücünün göstəricisidir. Onu da qeyd edək ki, Gəncə futbol ənənəsi olan şəhərdir və bu şəhərin adını daşıan klubun turnir cədvəlinin ilk pillələrində olması arzuolunandır.

Dekabrın 11-də Futbolçularımız sadəcə meydana çıxıb qələbə qazanmalı və komandanın turnir cədvəlindəki  liderlik şansını artırmalıdır. Azarkeşlər həmin gün öz dəstəyini əsirgəməyəcək və sona qədər futbolçularımızı irəli səsləyəcəklər.

Azarkeşlər.

Hər iki klubun azarkeşləri  mehriban münasibətdədirlər. Elə Gəncədə keçirilən oyunda da Lənkərandan gedən azrkeşlərə qarşı çox xoş münasibət bəslənmişdi. Lənkəranda da onların yaxşı qarşılanacağına və oyun zamanı hər hansı xoşa gəlməz hadisənin baş verməyəcəyinə inanırıq. 

İlk oyunda  hakimlərin və AFFA nümayəndəsinin kobud səhvi nəticəsində "Gəncə” şəhər stadionunun tribunalarına toplaşan azarkeşlərin sayı  şişirdilmişdi. Biz də o vaxt buna etiraz etdik. Əvvəlcə "Gəncə”li futbolsevərlərdən bəziləri bizim addımımızı düzgün anlamadığından münasibətlərdə müəyyən soyuqluq yarandı. Lakin sonrakı hadisələr göstərdi ki, bizim azarkeşlərə deyil futbol qurumlarının bəzi məsul şəxslərinə qarşı etirazımız "Gəncə” fan klubları tərəfindən anlaşma ilə qarşılandı. Biz o vaxtı da indi də bildiririk ki, əgər həqiqətən həmin oyunda tribunalarda  oyunun protokoluna qeyd olunan qədər tamaşaçı toplanmışdısa biz bunu yalnız alqışlayarıq. (Gəncə stadionunun azarkeş rekordunu ilk olaraq alqışla qarşılayan yazı oyun günü saytımzda getmişdi.) Amma biz belə qənaətdəyik ki, 17-oktyabrda keçirilən oyunun protokolunda yanlışlıq üzündən azarkeş sayı çox göstərilib.

Layihə.

Dekabrın 11-dəki oyunda həyata keçririlməsi nəzərdə tutulan bir neçə layihə vardır. Beləki, bir neçə fəal azarkeş müxtəlif layihə təklifi ilə çıxış edib.  Hazırda onların hansının birinin daha çox  məqsədə uyğun olduğunu araşdırırıq. Bu layihələr barədə növbəti yazıların birində ətraflı məlumat verəcəyik.