"Xəzər Lənkəran” harada...

"Simurq”la oyundan dərhal  sonra "Xəzər Lənkəran”  komandası Lənkəranı tərk edib. Komandanın istirahətə buraxıldığını öyrənə bilmişik. Premyer liqanın növbəti turunda noyabrın 21-də  "Fırtınalar Meydanı”nda keçiriləcək "Xəzər Ləkəran” – "Muğan” oyununa hazırlıq məqsədi ilə komanda, noyabrın 17-də Lənkranda məşqlərə başlayacaq. Xatırladaq ki, milli komandanın həmin gün Çernoqoriya yığması ilə yoldaşlıq oyunu keçiriləcək. O səbəbdən də millinin heyyətində çıxış edən Kamran Ağayev, Rahid Əmirquliyev və Elnur Allahverdiyev  "Xəzər Lənkəran” ın noyabrın 17-də baş tutacaq məşqində iştirak etməyəcəklər. Əldə etdiyimiz məlumata görə Uinston Parksın səhhətində normallaşma müşahidə olunur və onun yaxın günlərdə komanda ilə birgə məşqlərə başalaycağı bildirilir. David İmedaşvili və Tural Cəlilov isə məqşlərdə  özlərini yaxşı cəhətdən Rednikə  göstərə biləcəkləri halda "Muğan”la oyunda meydana daxil ola bilərlər. Opara Emeka barədə məlumat əldə edə bilmədik.