"Xəzər Lənkəran” komandası 15 dekabr saat 16:00-da axşam məşqinə çıxdı. Bütün futbolçuların yer aldığı məşq bir saatdan çox davam etdi. Komandanın bir neçə yerli futbolçusu axşam saatlarında, Lənkəranda Kərbəla hadisəsinin anımı münasibəti  ilə təşkil olunan və səhərə qədər davam edən mərasimlərdə iştirak etdi.

Ertəsi gün isə dekabrın 16-da saat 11:00-da komandanın səhər məşqini keçirildi. Məşq bitəndən dərhal sonra komanda Lənkəranı tərk edərək paytaxta yollandı. Dekabrın 17-də Bakıya getmək planlaşdırılsa da bu bir gün öncə həyata keçirildi.

MOİK – "Xəzər Lənkəran” oyununun Suraxanı qəsəbə stadionunda keçiriləcəyi güman olunsa da sonradan bu oyunun "Şəfa”stadionunda keçiriləcəyi artıq məlum olub. Bu səbəbdən də "Xəzər Lənkəran” komandası futbolçuların təbii örtüklü meydanda keçirilən məşqlərdən sonra "Şəfa”da çətinliklə üzləşə biləcəyini nəzərə alaraq Bakıya bir gün öncə yollandı. Beləliklə komandamız paytaxtda süni örtüklü meydanların birində məşqlərini davam etdirəcək.