Ana Səhifə» 2010 » Aprel » 21 » “Xəzər Lənkəran”ın bütün fan klubları ilə “İnter” fan klubunun dostluq əlaqələri vardır.
23:24
“Xəzər Lənkəran”ın bütün fan klubları ilə “İnter” fan klubunun dostluq əlaqələri vardır.
Azərbaycanda artıq hamı qəbul edir ki, “Xəzər Lənkəran” azarkeşləri bir nömrəlidirlər.Bunu qəbul edərək bizə qarşı çirkin əməllərdən əl çəkməyənlər hələ də var.Amma eyni zamanda “Xəzər Lənkəran” azarkeşlərinə hörmətlə yanaşaraq dostluq əlaqələrini qoruyan, daim xoş münasibətlər bəsləyən bir fan klub da vardır ki,bu da “İnter” fan klubudur.Daxili nizam intizamı və sivil fanatlığı ilə digər klubların fan klublarından seçilən “İnter” fan klubu “Xəzər Lənkəran” azarkeşləri kimi həmişə zorakılıqlara və hücumlara məruz qalıb.Bir müddət öncə “İnter” fanatlarından birinin bıçaqlanaraq xəsarət almasını da misal çəkmək olar. "Xəzər Lənkəran" - "Neftçi" oyunundan sonra bir daha "İnter"li azarkeşlərin ədalətin tərəfində olduğunu gördük.Digər fan klublar susduğu halda məhz onlar səsimizə səs verərək "Xəzər Lənkəran"lıların yanında olduqlarını göstərdilər.
“Xəzər Lənkəran”ın bütün fan klubları ilə “İnter” fan klubunun dostluq əlaqələri vardır.”Fırtına” fan klubu ilə başlayan dostluq əlaqələri,”12-ci oyunçu” azarkeş klubu təşkilat komitəsi və “Bosman” fan klubu ilə davam edir.Bu arada “Xəzər Lənkəran”ın rəsmi fan klubu ilə “İnter”lilərin martın 21-də baş tutmuş “İnter” - “Xəzər Lənkəran” matçından öncə qarşılıqlı bayram təbriki səsləndirməsi də qeyd olunmalıdır.”Bosman” fan klubunun həmin oyunda asdığı bayram təbrikli plakat, qarşı tərəfdən də xoş məramla eyni təbriklə cavablandırılmışdı.
“Xəzər Lənkəran”a və azarkeşlərinə qarşı edilən haqsızlıqlara həmişə etiraz edən,sivil fanatlığı ilə seçilən “İnter” fan klubu və bu fan klubun üzvləri hörmətə və diqqətə layiqdirlər.Bu mənada aprelin 23-də Lənkəranda keçiriləcək “Xəzər Lənkəran” – “İnter” oyununda “İnter” fanatlarını yüksək səviyyədə qarşılayaraq, hörmətlə yola salmalıyıq.Biz “İnter” fanatları ilə 90-dəqiqə rəqibik,oyundan əvvəl və sonra isə dost və qardaşıq.
“12-ci oyunçu” azarkeş klubunun təşkilat komitəsi, “Xəzər Lənkəran” azarkeşlərinin dostları olan “İnter” fan klubunun Lənkəranda qarşılanması və yola salınması işində yaxından iştirak edəcək.
“12-ci oyunçu” azarkeş klubunun təşkilat komitəsi.
Sivil formada azarkeşlik etmək biz futbol aşıiqlərinə yalnız baş ucalığı gətirər.Buna görə də layiq olanlara xoş münasibət göstərmək borcumuzdur.İnter fan klubu həqiqətən də sivil fanatlığı ilə həmişə fərqlənib,bu fan klubun üzvlərinə də hörmətlə yanaşılmalıdır.İnşallah Lənkəranda İnter fanatlarına qarşı heç bir xoşa gəlməz hal yaşanmaz.Qarşılıqlı hörmət və mədəni davranışla Xəzər Lənkəran və İnter azakeşləri digər klubların fan klublarına bu mənada nümunə olmalıdırlar.
Hörmətli İslam müəllim və bütün Xəzər azərkeşləri bizə daim göstərdiyiniz diqqət, qayğı və hörmətə görə sizə İnterfanklubunun rəhbərliyi adından dərin təşşəkkür edirik.