"Xəzər Lənkəran”  komandası avqustun 18-də saat 19:00-da stadionun yardımçı meydançasında axşam məşqinə çıxdı.Devit İmedaşvili,Amid Hüseynov və Tural Cəlilovun qatılmadığı məşqi 300-dən çox azarkeş izlədi.

Məşqin sonlarına yaxın əvəzedici heyyət, onlar üçün ayrılmş xüsusi avtobusla stadionun həyətinə daxil oldu. "Xəzər Lənkəran”ın əsas heyyətindən uzaqlaşdırılaraq əvəzedici heyyətə  göndərilən  Devran Ayhan isə minik maşınında gəldi.O da stadionun  A,B,S və R sektorlarınn altında yerləşən və əvəzedicilərin sərəncamında olan bazaya  doğru yollandı.Mirça Rednik isə klub prezidentinin də izlədiyi məşqdə futbolçularla münasibətdə öz tələbkarlığını davam etdirdi.Onun fiziki hazırlıq üzrə köməkçisi Mihay  Keja da baş məşqçidən qəddarlığında geri qalmırdı.

Futbolçular məşq boyu azarkeşlərin gözü qarşısında yüklənir,lakin nizam intizama riayət etdiklərinə görə heç bir  "yalançı  zədə”  bəhanəsi ilə məşqdən kənarda qalmırlar.Komandanın məşqlərini mütəmadi izləyənlər də bu məsələdə əvvəllər həmişə narahatçılıq hisslərini elə yerindəcə bildirərdilər.Amma Rednikin məşqlərində kənarda qalan futbolçu olmur.Olursa da o futbolçu bütövlüklə heyyətdən uzaqlaşdırılır. "Xəzər Lənkəran” azarkeşlərinin,komandanın  yeni futbolçuları Yordaşe və Parksla maraqlanmaqları ilə davam edən  məşqdən zövq almalarını görmək bizim üçün də xoş oldu.