"Xəzər Lənkəran” komandası noyabrın 18-də stadionun yardımçı meydançasında axşam məşqinə çıxdı. Dünən gecə saatlarında Lənkərana qayıdan  Mirça Rednikin  başçılığı ilə bu gün saat 16:00-da məşqə çıxan futbolçular əzmkarlıqla məşq edirdilər. Millinin heyyətində dünənki oyunda iştirak edən Kamran Ağayev, Rahid Əmirqulyev və Elnur Allahverdiyevdən savayı öz milli komandasında Çin yığmasına qarşı  oyunda  forma geyən  Denis Romanovs və zədəli  Opara Emeka ilə Dieqo Souzanın məşqə qatılmamalarını qeyd edək.

Yerdə qalan bütün futbolçular , zədədən sağalan David İmedaşvili və Tural Cəlilov tam gücləri ilə komanda birgə məşq etdilər. Azarkeşləri sevindirəcək daha bir xəbər də bizdən – Uinston Parks artıq özünə gəlib və məşqə qatılıb.

Kazım Kazımlı, Amid Hüseynov, qapıçılar Orxan Sadıxlı və Sadiq Ramazanov da əsas heyyətin futbolçularına elə qaynayıb qarışırdılar ki, heç onları seçmək olmurdu.

Saytımız üçün komandanın məşqindən  fotoreportaj hazırlamaq fikrində olsaq da bu texniki səbəblərdən mümkün olmadı. Bütün bu vaxtlar ərzində məşqlərdən və oyunlardan hazırlanan fotoreportajların materiyalları mobil telefonunun kamerası ilə çəkilirdi. Bu gün məşqin sonunda  maraqlı hadisə baş verdi. "Xəzər Lənkəran”  komandasının tərcüməçisi Elvar Quliyev saytımıza  bir fotoaparat hədiyyə etdi. Biz də o hədiyyəni məmuniyyətlə qəbul edib Elvar bəyə  təşəkkür etdik. Bundan sonra saytımız üçün daha keyfiyyətli fotoların çəkilişini təmin etməyə çalışacağıq.