Türkiyənin Antaliya şəhərində təlim məşq toplantısında olan "Xəzər Lənkəran”ın məskunlaşdığı "Qloriya” otelini Azərbaycandan qardaş ölkəyə gedən  jurnalistlər və televiziya əməkdaşları ziyarət ediblər. Komandanın futbolçuları ilə görüşən jurnalistlər ayrı-ayrılıqda futbolçularla söhbətləşiblər. "Xəzər Lənkəran”ın məşqini izləyən jurnalistlər komandanın düşərgəsinə yeni qoşulan futbolçularla daha çox maraqlanıblar. Eyni zamanda milli komandanın da aparıcı futbolçusu olan Elnur Allahverdiyevi də unutmayan media nümayəndələri,  "Xəzər Lənkəran”ın müdafiəçisindən müsahibə də alıblar.