"Xəzər Lənkəran” komandasının avtobusu  noyabrın 30-da saat 14:20-də "Fırtınalar Meydanı”na daxil oldu. Bir saat yarımlıq istirahətdən sonra komanda saat 16:00-da məşqə başladı. Qapıçılar Kamran Ağayev və Denis Romanovs məşqçi Hafiz Əliyevin rəhbərliyi ilə komandadan ayrıca məşq edirdilər. Digər futbolçular isə isinmə hərəkətlərindən sonra Mirça Rednik və Mihay Kejanın tapşırıqlarını yerinə yetirərək  fiziki və taktiki planda məşqə başladılar. Məşq başlayan kimi biz  "Xəzər Lənkran”  klubunun icraçı direktoru,  eyni zamanda  stadionun direktoru olan  Höccət Hacıyevlə əlaqə saxlayıb meydançanın vəziyyəti ilə maraqlandıq. O da: "min eşitməkdənsə bir görmək yaxşıdır”  deyə bizi meydançaya yolladı. Gördüklərimizi azarkeşlərlə bölüşmək fikrində olduğumuzdan çəkdiyimiz fotoları saytımızda da yerləşdirmək istədik. Bu növbəti yazıda olacaq.