Bu tur haqq yerini tapdı...

Canlı: "Xəzər Lənkəran” komandasının avtobusunda sevincdən mahnı oxuyurlar...

 "Xəzər Lənkəran” – "Gəncə”  oyununun baş hakimi Elnur Muradov haqqında xoş sözlər demək mükmün deyil. Çünki hələ ötən futbol mövsümündə Lənkəranda keçirilən oyuların birində qazandığı "düddülü” ləğəbinə  layiq olaraq bu dəfə də oyun apardı. Yersiz fitlər,  yersiz qərarlar oyunun sürətinə təsir edirdi. Bundan əlavə oyunun necə deyərlər ipini əlində saxlaya bilmirdi. Hələ ilk hissənin bitdiyini fit çalaraq  bildirən kimi bş hakim Muradov polislərin əhatəsində meydanı tərk etdi. İlk 45-dəqiqəni tamamilə bərbad idarə edən Elnur bəy  meydançanı tərk edərkən polisin himayəsinə ehtiyac duydu...

 Biz onun hansısa qərəzli tapşırığa əsasən belə  oyun idarə etdiyini  iddia edə bilmərik, amma açıq aşkar görünür ki, Elnur Muradov hələ çətin oyunları aparmağa hazır deyil. Ümumiyyətlə premyer liqanın hər turunda hakimlikdən narazılıq faktları qeydə alınır. Belə narazılıqlar çoxaldıqca ölkə futbolu geriləyir və yalançı "inkişaf”ın kölgəsində gizlənir.

Lənkərandakı oyun bitəndən sonra start götürən "Neftçi” – "Bakı” oyununu izləyənlər də ideal hakimlik görmədilər. Sanki bu ölkədə bütövlükdə futbol qurumları, konkret olaraq oyunlarda isə hakimlər "Neftçi”nin məğlubiyyəti ilə barışa bilmirlər. Düzdür sonda qalib tərəf oyunda güclü olan "Bakı” oldu.

Son anda:  Yazı hazır olan dəqiqələrdə "Xəzər Lənkəran” komandası artıq Lənkəranı tərk edib paytaxta yollanırdı. Bizə məlumat çatdı ki,  "Xəzər Lənkəran”ın turnir cədvəlində liderliyə yüksəlməsinə sevinən komanda üzvləri elə avtobusda  yol boyu mahnı oxuyurlar. Biz də bütün  xəzərsevərlərə qoşulur və hamını təbrik edirik.