İyul ayının 17-də saat 19:00-da “Xəzər Lənkəran” komandasının futbolçuları, qapıçılarla işləyən Hafiz Əliyevin başçılığı ilə axşam məşqinə çıxdılar.Məşq stadionun yardımçı meydançasında keçirildi və Kamran Ağayevdən başqa hamı iştirak etdi.Zədəli olduğundan istirahət edən Kamran, arabir bazanın qapısından boylanaraq məşq edən futbolçu yoldaşlarına da baxırdı.Martins Kabral və Opara Emeka fərdi məşq edirdilər.Məşqin sonunda Kamran Ağayev bazadan çıxaraq meydançaya yaxınlaşdı.Özünə məxsus zarafatları ilə hamının,elə azarkeşlərin də diqqətini çəkdi. Azarkeşlərin bu günki fəallığı da qeyd olunmalıdır. Bir gün əvvəl keçirilən məşqdən fərqli olaraq bu dəfə azarkeşlərin sayı daha çox idi.Demək olar ki,azarkeşlər hamılıqla komandaya yenicə təyin olunan baş məşqçi Mirça Rednik haqda danışır və hansı futbolçuları özüylə gətirəcəyini müzakirə edirdilər.Son zamanlar stadion mühafizəçilərinin də azarkeşlərə münasibəti dəyişilib.Beləki əvvəllər hər məşqdə azarkeşlərlə mühafizəçilər arasında bir neçə dəfə mübahisələr yaranardı ki,əksinə indi “ev sahibləri”nin diqqətimizdən yayınmayan nəzkətli davranışı Lənkəranlı futbolsevərlər tərəfindən də müsbət qarşılanır.Ümumiyyətlə “Xəzər Lənkəran”ın uğursuzluqları ucbatından komandadan küsənlər də daxil olmaqla,demək olar ki,bütün azarkeşlər hamılıqla Mirça Rednikin təyinatından sonra komandaya olan münasibətini dəyişiblər.Rumınyalı mütəxəssizin Lənkərana gəlişini burada hamı gözləyir və onun komanda ilə ilk məşqini 1000-ə yaxın azarkeşin izləyəcəyini artıq indidən demək olar.