"Xəzər Lənkəran” komandası bu gün  "Fırtınalar Meydanı”nın ərazisində yerləşən I yardımçı meydançada, saat 15:30-da məşqə çıxacaq. Komandanın bütün futbolçularının bu məşqdə iştirakı gözlənilir (Dünən transferə çıxarılmış David İmedaşvili və Denis Romanov istisna olmaqla) . Dünən keçirilən məşqdən fərqli olaraq bu günki məşq, qısa müddətli olmayacaq. Qeyd edək ki, dekabrın 20-də baş tutan məşq zamanı məşqçi heyəti, futbolçuların yol yorğunluğu səbəbindən hazırlığı tez bitirmişdilər. Beləliklə azarkeşləri  stadionun ərazisində yerləşən yardımçı meydançada keçiriləcək "Xəzər Lənkəran” komandasının məşqini izləməyə dəvət edirik. Xatırladaq ki, məşqi izləmək üçün azarkeşlərə heç bir maneə yaradılmır.