"Xəzər Lənkəran”  komandasının  avtobusu  dekabrın  14-də saat  15:00-da  "Fırtınalar Meydanı”na çatdı. Saat 16:00-da komanda axşam məşqinə çıxdı. Uinston Parks  yüngül zədə üzündən məşqdə iştirak edə bilmədi. Futbolçuların yol yorğunluğunu nəzərə alan Rednik bir saatlıq məşqlə kifayətləndi. Məşq zamanı  sevincinli görünən Elvin Beqirinin sevincinin səbəbini  məşqin sonunda öyrənə bildik . Sən demə Albaniyalı futbolçunun oğlu dünyaya gəlibmiş. Biz də öz növbəmizdə Rus dilində sərbəst danışan Elvin Beqirini,  bütün "Xəzər Lənkəran” azarkeşlərinin adından təbrik etməyi  unutmadıq.