"Xəzər Lənkəran”ın "Fırtınalar Meydanı”nda məğlub olması azarkeşləri məyus etdi. Futbolçulardan bir neçəsinin oyunu demək olar ki, alınmırdı. Stelian Stanku və Elnur Allahverdiyev meydanda çox çalışsalar da nəsə daha çox səhvlərə yol verirdilər. Elə buraxılan hər iki qolda müdafiə xəttinin kobud səhvlərini göstərmək olar. Bütün bunlarla yanaşı məğlubiyyətin məsuliyyətini komandanın bütünlüklə daşıdığını demək lazımdır.

Oyun bitəndən sonra hər iki komandanın bütün futbolçuları meydançanı tərk etmişdilər. Təkcə Kamran Ağayev meydançanın mərkəzində oturub ağlayırdı. Stadionu tərk edən azarkeşlər nə qədər ona təsəlli verməyə çalışsalar da Kamran sakitləşə bilmirdi. Gənc qapıçı Orxan Sadıxlı Kamrana yaxınlaşıb onu sakitləşdirmək üçün xeyli çalışdı. Sonda onlar birlikdə meydançanı tərk etdilər.

Qış fasiləsinə yollnacaq komandada çoxlu dəyişikliklər olacaq. Komanda üçün faydalı olmayan futbolçular transferə çıxarılacaq. İndidən artıq hansı futbolçunun kənarlaşdırmasını müəyyən etmək olar.

Bundan əlavə bizdə olan məlumatları və gedəcək futbolçuların siyahısını təqdim etmək istəmirik ki, qoy hər şey öz axarı ilə getsin. Yeni ilin ilk günlərində isə saytımız vasitəsi ilə "Xəzər Lənkəran”a gətiriləcək yeni futbolçuların siyahsısını təqdim etmək fikrindəyik.

QEYD: "Xəzər Lənkəran” – "Qarabağ” oyununda stadiona 12500-azarkeş toplansa da PFL-in rəsmi saytında bu rəqəm 11000-nə qədər azaldılaraq göstərilib.

$IMAGE3$