Rumın mətbuatına inansaq o zaman qətiyytlə bir söz demək mümkün olmaz. Çünki  bir gün əvvəl  yazdıqlarının bir gün sonra az qala tam əksini iddia edirlər. Ümumiyyətlə "Xəzər Lənkəran” klubunu  və baş məşqçisini daim gündəmdə saxlayan rumın jurnalistlər  iyul ayından bu yana onlarla futbolçunun Azərbaycan klubuna gələcəyi barədə məlumatlar yaymışlar. Son günlər  Ndoye, Çesina, Nikolitsa,  Romeo kimi futbolçuları tez-tez irəli çəkirdilərsə artıq Adrian Krista barədə də məlumat yaymışlar. Rumın futbolçunun necə deyərlər  "bir işarəyə bənd”  olmasını iddia edən Rumın mətbuatı  bununla da kifayətlənmir. Artıq Karlos Çesinanın "Xəzər Lənkəran”a keçidinin mümkünlüyü bildirilir.

"Rapid" rəhbərliyi braziliyalının keçidinə yardım etməyə hazırdır. Rednik iki həftə əvvəl icarə əsasında onu əldə etməyə çalışırdısa indi transferi barədə təkliflər etməyə çalışır. "Rapid" rəhbərliyi Çesinanın əvəzində million avroya yaxın bir məbləğ  istəyir. Qeyd edək ki, "Rapid" klubu Karlos Çesinanı 600.000 avroya 2007-ci ildə almışdı və onun illik qazancı 220.000 avro təşkil edirdi.

Mənbə: gsp.ro