Deyirlər "Neftçi" xalq komandasıdır,mənim də heç şübhəm yoxdur bu deyilənlərə."Neftçi" başda olmaqla bütün komandaların bu və ya digər formada xalqa yaxınlığı hiss olunur.Düzdür tribunaların boş qalması bir az adamı çaşdırır,amma bu da düzələsi bir şeydir (!?).Öz aramızdır "Neftçi" xalq komandasından daha çox dövlət komandasına bənzəyir,yox yox elə dövlətin komandasıdır da.
Bu klubun prezidenti və digər işçiləri dövlət müəsisəsində çalışanlardır.Yəni dövlət məmurları olaraq neft sahəsində rəhbər vəzifələrdə çalışanlar bu klubda da qəpik quruşa qulluq edirlər.
Bu allah saxlamış "Neftçi" fanatları da biz Lənkəranlı futbolsevərləri pis vəziyyətə qoyurlar.Böyük oyun qabağı kökü dərin neft buruqlarının dibinə gedib çıxan və ona görə də ölkənin ən köklü klubu olan "Neftçi" haqqında bəzən bilmədən pis danışırıq.Bu pis danışığımız da bir başa dövlət əleyhinə danışıq sayılmalıdır.Biz cənublu futbolsevərlərin dövlətə xəyanət etməyimizə səbəbkarlar elə "Neftçi" fanatlarıdır.Bir tərəfdən də yadıma düşür "Neftçi"nin yeni fanat birliyi olan "Flaqman" fan klubunun yaranması ilə bağlı mətbuata, daha doğrusu "Futbol +" qəzetinə verdikləri ilk açıqlamada "Flaqman"çıların nümayəndəsi belə demişdi -"Biz bir fan klub kimi komandaya lazımi dəstəyi verəcəyik ki,klub rəhbərliyinin etimadını doğruldaq".
Əvvəl inanmaq istəmədik ki, yox ola bilməz, "Flaqman"ımızın "Flaqman" fan klubu müstəqil olmalıdır.Amma sonradan "Neftçi" klubunun yeni vitse prezidenti "Flanqman"çılara kompyuter bağışlayanda məlum oldu ki,bu fanatlar da dövlətə işləyirlər.Yəni xalq komandası adı altında gizlənən,əslində isə dövlət komandası olan "Neftçi"yə fanatlıq edənlər də elə dövlətə xidmət etdiklərini biruzə verirlər.Bu həqiqətləri biləndən sonra güman etmək olar ki, "Xəzər Lənkəıran" azarkeşləri "Neftçi" klubuna və onun fanatlarına qarşı çıxmazlar.Çünki "Neftçi" klubuna və "Neftçi" fanatlarına qarşı çıxmaq elə dövlətə qarşı çıxmaqdır.Əziz cənublu futbolsevərlər gəlin dövlətə qarşı çıxmayaq və dövlətə işləyən fanatlara da hörmətlə yanaşaq.
Indisə gəlin yazının əvvəlinə qayıdaq. Deyirlər "Neftçi xalq komandasıdır",mənim də heç şübhəm yoxdur bu deyilənlərə.Əgər bunu dövlət kanalı da bir neçə dilə gətirirsə deməli bu həqiqətən də belədir. O zaman belə çıxır ki,biz Lənkəranlı futbolsevərlər "Neftçi" klubuna qarşı çıxırıqsa deməli xalqa qarşı çıxırıq.Deməli biz cənublu fanatlar nə etdiyimizi yaxşı bilmirik...
Mən bir gəncəm və cəmi 28-yaşım var.Məni bir anladan olacaq ki,böyük oyun öncəsi "Xəzər Lənkəran"a qələbə arzulamaqla, eyni zmanada "Neftçi" klubuna qarşı çıxmaqla mən dövlətə ya xalqa qarşı çıxmış olmurammı ?
