Azərbaycan milli komandasının Avro-2012-nin seçmə mərhələsi çərçivəsində Almaniya ilə görüşü start götürən ərəfədə ağsaqqal azarkeş sayılan Xeybər kişi telefon əlaqəsi yaradaraq bizə milli komanda haqda fikirlərini dedi.Uzaq dağ kəndində yaşayan Xeybər kişi telefonda ucadan danışırdı, onun fikirlərinə hörmətlə yanaşdığımızdan diqqətlə qulaq asaraq bir cümləsini belə təhrif etmədik.

        -Ay bala mən bu yaxınlarda artıq dözə bilməyib danışmağa başlamışam.85-yaşım var, mənə bir söz yer edir,gərək o sözü sizinlə bölüşəm.Azərbaycanın milli komandası var və biz hamımız bu komandanın azarkeşiyik.İstər uzaq dağ kəndinin sakini istər paytaxt sakini,ölkəmizi təmsil edən komandanın qələbəsini arzulayır.Bu Almanlarla oyunun da hansı nəticə ilə bitəcəyinin fərqi yoxdur.Oyun başlamazdan əvvəl hamımızın ürəyinin dərinliyində qələbə qazanmaq istəyi var idi,bunu heç kim dana bilməz.

       İndi sözüm başqadıre, bax bu bizim milli komandadır, bir də deyirlər xalq komandası.Hamı bilir ki,xalq komandası adını bəziləri  "Neftçi”yə deyirlər.Bunu belə saxlayıb keçirəm millət və xalq məsələsinə.Var Azərbaycan xalqı,bir də var bu ölkədə yaşayan millətlər. Bax Azərbaycanda yaşayan məsələn rus, milləyyətcə rusdur, ancaq o Azərbaycan xalqının nümayəndəsidir.Yəni sözümün canı odur ki, xalq anlayışı millət anlayışından da böyükdür. Ay bala, siz deyin mən "Neftçi”yə xalq komandası deyən axmaqları necə başa salım ki, "Neftçi” xalq komandası olduğu halda milli komandadan irəli olmalıdır.Axı irəli ola bilməz.Çünki milli komanda bütövlükdə burada yaşayan bütün millətlər qarışıq  Azərbaycanı təmsil edir.Külüm o şəxslərin başına ki, "Neftçi”yə xalq komandası deyirlər. Mən də bir ağsaqqal kimi cavanlarımıza deyirəm, harada gördüz  "Neftçi”yə xalq komandası deyirlər, başından vurun. Sonra da deyin ki, ağsaqqalımız Xeybər kişi belə deyib, babalı mənim boynuma.Ona görə ki, milli komandanı tapdalayaraq  "Neftçi”yə xalq komandası deyənlər kişi deyillər.Azərbaycanın milli komandasına canım da qurban. Baxın mən bu yaşımda oyaq qalıb, Almaniya ilə oyuna baxıram. Ürəyim də  o üçrəngli bayraqladır. O milli komandamız uduzsa da, heç-heçə etsə də mənim ona qarşı sevgi ürəyimdədir.