Son zamanlar “Xəzər-Lənkəran”ın heç-heçələr hesabına xal itirməsi azarkeşlərin narahatçılığına səbəb olub.Bəziləri bu halın ötəri olacağını düşünür, bəziləri isə buna etiraz edirlər.Hər iki fkir sahiblərinin də öz arqumentləri ola bilər.
Hücum futbolunun aşiqləri Xəzərimizin son oyunlarında futbola gözəllik gətirən hücumu gördülərmi?
Deyərdim ki,az göründü hücumların kəsəri.Ağasəlim Mircavadovun özünə məxsus hücum tərzi az hiss olundu bu oyunlarda.Düzdür “Turan”la oyunun ikinci hissəsində komandamız 45-dəqiqə hücumda oynasa da, “Qəbələ” ilə oyunda isə bir az səngimişdi.Bakı ilə oyun təbii hadisə üzündə təxirə düşməsəydi komandanın oyunu haqda rahatca danışmaq olardı.Ümumiyyətlə premyer liqanın təxirə düşmüş oyunları hesabına komandamızın oyun praktikası azdır.Bütün bunlara baxmayaraq “Xəzər-Lənkəran”ın baş məşqçisi Ağasəlim bəydir və inanıram ki, “Muğan”la oyunda o özünü sübut edəcək və “Fırtınalar meydanı”nda heç vaxt uduzmayan Mircavadov bu dəfə də məğlub edilməz olacaq.Muğanla oyunda bəzi öyrədilmiş fanat qrupları istefa deməyə hazırlaşırlar, güman edirəm ki, bu arzuları ürəklərində qalacaq.Nə istədiklərini bilməyən belə insanları anlamaq da olmur.Hər nəsə özləri bilərlər.Biz “Xəzər-Lənkəran”ın yanında olacağıq,Ağasəlim Mircavadovun hücuma meyilli futbolunun “Muğan”la oyunda nəticəsiz qalmayacağına inanıram.Biz bütün nəticələrimizi onunla qazanmışıq,bundan sonra da onunla qələbələri sıralayıb böyük uğurlara imza atacığımıza əminəm.
“Xəzər-Lənkəran” azarkeşi Samir Şəfiyev.İnanmaq istərdim ki, məktubuma diqqətlə yanaşaraq saytın ana səhifəsində verəcəksiniz.