Premyer Liqada çıxış edən komandaların əvəzedici heyətləri arasında keçirilən Azərbaycan çempionatında V turun bu gün daha 2 oyunu keçirilib. Bu turun "Xəzər Lənkəran" - MOİK qarşılaşması güclü yağış səbəbindən baş tutmayıb.Xatırladaq ki,ölkənin cənub bölgəsində yağan güclü yağışlardan sonra Lənkəranın müxtəlif yerlərində leysan sonrası bir çox problemlər yaranıb. Həmçinin əvəzedicilərin oyununun keçirilməsi üçün nəzərdə tutulan Lənkəran şəhər olimpiya kompleksinin əsas meydançası da bərbad vəziyyətə düşmüşdü.Eyni zamanda  "Lənkərançay”  çayı öz məcrasından çıxaraq  "Xəzər Lənkəran”  stadionun da sel sularına qərq etmişdi. "Fırtınalar Meydanı” sel suları geri çəkiləndən sonra da palçıq içində idi.