Fevralın 7-də "Xəzər Lənkəran” komandası stadionun yardımçı meydançasında axşam məşqinıə çıxdı. Günün ikinci yarısından etibarən  Lənkəranda başlayan çiskin yağışa və soyuq küləyə  baxmayaraq məşqi çoxlu azarkeş izləyirdi. Futbolçular məşqçilərin tapşırıqlarına əsasən  müxtəlif hərəkətləri yerinə yetirir, hərdən bir isə azarkeşlərin alqışlarını da alırdılar. İbrahim Banqura daha fəal görünürdü.

Məşqə toplaşan azarkeşlər hamılıqla fevralın 9-da keçiriləcək komandanın təqdimetmə mərasimindən danışırdılar. Xatırladaq ki, komandanın yeni heyətinin təqdim etmə mərasimi və əvəzedici heyətlə yoldaşlıq oyunu fevralın 9-da saat 17:00-da "Fırtınalar Meydanı”nda keçiriləcək.

Məşq bitincə azarkeşlər Lənkəran Olimpiya Mərkəzinə üz tuturdular. Xatırladaq ki, qeyd olunan idman mərkəzində milli qəhrəman Mübariz İbrahimovun xatirəsinə həsr olunan futzal  turnirinin final oyunları keçiriləcək və qalib komandalara mükafatları Mirça Rednik təqdim edəcək.