“Flaqman”lıq gözə gəldi,
Yandı bayrağı “Neftçi”nin.
Bayrağı yanandan bəri,
Yanıbdır “tağı” “Neftçi”nin.
***

AFFA-dır cütləyən zərin,
PFL çəkməz nəzərin
Adı gələndə “Xəzər”in,
Sancır dalağı “Neftçi”nin.
***

“Xalq komandası”dır (kişi)...
AFFA dayı bazarkeşi.
Olsa,otuz azarkeşi,
Ola-uzağı-“Neftçi”nin.
**
Ümidi hər zaman qıran,
Gəl ki,var haqq qazandıran;
Bizə “əxlaqsız” anqıran,
Uzunqulağı “Neftçi”nin.
***

Ağ-qarası mərəkədir,
Yediyi haram tikədir,
Futbolumuza ləkədir,
Qarası-ağı “Neftçi”nin.
***

“Ağ”ı - əməli yaradır...
Qarası – keçmiş yaradır,
Həm maykası “ağ-qara”dır,
Həm “darbalağı” “Neftçi”nin.
***

Vardır neçə “müsafir”i,
Əşrəfoğlu müasiri...
Süleymanov Tahiri,
Yoxdur marağı “Neftçi”nin !?
***

Gələcəyi görünməyir,
Tarixləri silinməyir...
Ha baxırsan, bilinməyir,
Dalı qabağı “Neftçi”nin.
***

Gözünün oxudur “Xəzər”,
Çünki, “Xəzər” əngin əzər.
Elə ilk günlərdən, əzəl,
“Xəzər”di “dağı” “Neftçi”nin.
***

Tofiq, düz verdi sənətin;
“Ağ-qara”ların qiymətin.
Bundan sonra gələ çətin,
Bir də sorağı “Neftçi”nin.
Yazıldı “ağ” əməlinə,
”Qara” varağı “Neftçi”nin.
Tofiq Həsənli. Lənkəran. 03/12/10.