Ana Səhifə» 2010»İyun»16 » "Zadəgan"lar da etiraz etdi
18:29
"Zadəgan"lar da etiraz etdi
Son günlərdə azarkeş qrupları arasında söz müharibəsi davam etməkdədir.Əsasən də Azərbaycan kubokunun final oyunundan sonra bu ajiotaj daha da böyümüşdür.Lakin bu söz müharibəsini "Bakı” fan klubunun rəhbəri başqa səmtə yönəltmək qərarına gəlib.Belə ki, "Zadəgan"Müstəqil İnter Azarkeşləri Dərnəyinin rəhbəri Oktay Ağazadənin “Futbol +” qəzetindəki müsahibəsindən sonra “Bakı” fan klub rəsmisi ona zəng edərək nəlayiq sözlər işlətmiş, hətta hədə qorxu gəlməkdən belə çəkinməmişdir.Bu günlərdə isə “Bakı” fanatları hədə qorxunun səmtini cənub zonasına daha doğrusu "12-ci oyunçu"azarkeş qrupuna çevirmiş , “Futbol +” qəzetinin 15 iyun tarixindəki müsahibəsində və "12 ci oyunçu"azarkeş qrupunun rəhbərinə edilən telefon zəngində hədə qorxular davam etmişdir.
Buna son qoymaq məqsədi ilə "Zadəgan"MİAD və "12-ci oyunçu" müstəqil azarkeş qrupu birgə bəyanat verir.
1. Azərbaycan sivil demokratik dövlətdir və hər bir vətəndaşın söz azadlığı və fikir azadlığı vardır.Hansısa fikirə və sözə görə(Əgər cinayət tərkibli deyilsə) digər vətəndaşın onu hədələmək və təhqir etmək hüququ yoxdur.
2.Azərbaycanda futbola maraq və dövlət tərəfindən qayğı hər zaman vardır, müasir futbolda azarkeş qrupları arasında bu cür və digər formada söz mübahisəsi fikir ayrılığı olur, lakin heç bir ölkədə bu cür hallar baş vermir.
3.Bizlər müstəqil Azarkeş qruplarıyıq və müstəqil hərəkət edirik və buna görə təzyiqə məruz qalmamalıyıq.
4. “Bakı” FK rəhbərliyindən, başda Hafiz Məmmədov cənabları olmaqla xahiş edirik; rəhbərlik etdiyi klubun fan klubunun rəhbərliyinə tapşırsın ki, digər fanatlara qarşı işlədilən bu cür təzyiq üsullarından əl çəksin.Biz hamımız Azərbaycan vətəndaşıyıq və bir vətəndaşa qarşı bu cür hərbə zorba gəlmək yol verilməzdir və bunun qarşısının alınmasını istəyirik.
5.Bir də bu cür halların təkrarlanmasını istəmirik və bu hərəkətlərə görə “Bakı” fan klubunun rəhbərliyindən açıqlama tələb edirik.
"Zadəgan"Müstəqil İnter Azarkeşləri Dərnəyi 16.06.2010 Bakı ş.
“12-ci oyunçu” azarkeş qrupunun təşkilat komitəsi 16.06.2010 Lənkəran ş.
